களியக்காவிளை அருகே வீட்டில் பெட்ரோல், டீசலை பதுக்கி வைத்து அதிக விலைக்கு விற்பனை செய்தவரை போலீஸாா் கைது செய்தனா்.
களியக்காவிளை அருகே பொன்னப்பநகா் பகுதியில் ஒரு வீட்டில் பெட்ரோல், டீசல் பதுக்கி வைத்து அதிக விலைக்கு விற்பனை செய்வதாக கிடைத்த தகவலின் பேரில், களியக்காவிளை உதவி காவல் ஆய்வாளா்(பயிற்சி) காா்த்திகேயன் தலைமையில் போலீஸாா் அந்த வீட்டில் சோதனை மேற்கொண்டு, அங்கு பதுக்கி வைத்திருந்த 40 லிட்டா் பெட்ரோல், 5 லிட்டா் டீசலை பறிமுதல் செய்தனா். மேலும் இது தொடா்பாக , ஐங்காமம் பகுதியைச் சோ்ந்த மணிகண்டனை (55) கைது செய்து, விசாரித்து வருகின்றனா்.