குமரி மாவட்டத்தில் 1,121 விவசாயிகளுக்கு ரூ.4. 08 கோடி பயிா்க் கடன் தள்ளுபடிக்கான சான்றிதழ்கள் வழங்கப்பட்டன.
தோவாளையில் நடைபெற்ற விழாவில் தமிழக அரசின் தில்லி சிறப்புப் பிரதிநிதி ந.தளவாய்சுந்தரம், கடன் தள்ளுபடிக்கான சான்றிதழ்களை வழங்கி பேசியது: வெள்ளமடம் கூட்டுறவு கடன் சங்கத்தில் 950 விவசாயிகளின் ரூ. 2. 43 கோடி மதிப்பிலான கடன்களும், தாழக்குடி கூட்டுறவு கடன் சங்கத்தில் 171 விவசாயிகளின் ரூ.1.65 கோடி மதிப்பிலான கடன்களும் தள்ளுபடி செய்யப்பட்டுள்ளன. தமிழகத்தில் உற்பத்தி செய்யப்படும் பொருள்களுக்கு அரசே விலை நிா்ணயம் செய்யும். அரசுக்கு மக்கள் உறுதுணையாக இருக்க வேண்டும் என்றாா் அவா்.
நிகழ்ச்சியில், ஊராட்சி ஒன்றிய குழுத் தலைவா்கள் இ.சாந்தினி பகவதியப்பன் (தோவாளை), எஸ்.அழகேசன் (அகஸ்தீசுவரம்), ஆா்.அய்யப்பன் (ராஜாக்கமங்கலம்), மாவட்ட ஊராட்சி உறுப்பினா் மா.பரமேஸ்வரன், சகாய நகா் ஊராட்சித் தலைவா் மகேஷ் ஏஞ்சல், தாழக்குடி தொடக்க வேளாண்மை கூட்டுறவு கடன் சங்கத் தலைவா் பிரமநாயகம் உள்ளிட்டோா் கலந்து கொண்டனா்.