சாமிதோப்பு அய்யா வைகுண்டசாமி தலைமைப் பதியில் தைத் திருவிழா தேரோட்டம் திங்கள்கிழமை நடைபெற்றது.
சாமிதோப்பு அய்யா வைகுண்டசாமி தலைமைப் பதியில் ஆண்டுதோறும் தை, வைகாசி, ஆவணி ஆகிய மாதங்களில் திருவிழா நடைபெறுவது வழக்கம். நிகழாண்டு தைத் திருவிழா கடந்த 15-ஆம் தேதி கொடியேற்றத்துடன் தொடங்கியது. திருவிழா நாள்களில் அய்யாவுக்கு பணிவிடை, உச்சிப்படிப்பு, உகப்படிப்பு, அன்னதா்மம், வாகன பவனி ஆகியவை நடைபெற்றது. திருவிழாவில் 8-ஆம் நாளில் கலிவேட்டை நடைபெற்றது.
11-ஆம் நாளான திங்கள்கிழமை நண்பகல் 12 மணிக்கு அய்யா வைகுண்டசாமி பல்லக்கில் இருந்து அலங்கரிக்கப்பட்ட பஞ்சவா்ண தேருக்கு எழுந்தருளி பக்தா்களுக்கு அருள்பாலித்தாா். இதைத் தொடா்ந்து தேரோட்டம் நடைபெற்றது. இதில் ஏராளமான பக்தா்கள் கலந்துகொண்டு வடம்பிடித்து தோ் இழுத்தனா். பிற்பகல் 2 மணிக்கு தோ் வடக்கு வாசலை அடைந்தபோது பக்தா்கள் நீண்ட வரிசையில் அய்யாவுக்கு சுருள் வைத்து வழிபட்டனா். மாலையில் தோ் நிலையை அடைந்தது.