சாமிதோப்பு தலைமைப்பதி சாா்பில் நிழல் தாங்கல்களுக்கு முப்பொருள்கள் சமா்ப்பிக்கும் நிகழ்வு பாலபிரஜாபதி அடிகளாா் தலைமையில் வெள்ளிக்கிழமை நடைபெற்றது.
சாமிதோப்பு அய்யா வைகுண்டசுவாமி பக்தா்களுக்கு வழிபடுவதற்கு எளிதாக குறிப்பிட்ட இடங்களில் நிழல் தாங்கல்களை அமைத்தாா். அவற்றில் முதல் முதலாக தொடங்கப்பட்ட ஈச்சன்விளை நிழல் தாங்கல் உள்பட ஐந்து நிழல்தாங்கல்களுக்கு அய்யா வைகுண்டசுவாமி தலைமைப்பதியின் சாா்பில் திருப்பிரம்பு, திருக்குடை, அருள் பத்திரம் ஆகிய முப்பொருள்கள் வழங்கும் நிகழ்ச்சி நடைபெற்றது.
இதையொட்டி, ஈச்சன்விளை நிழல்தாங்கலில் நண்பகல் 12 மணிக்கு அய்யாவுக்கு பணிவிடையும், தொடா்ந்து உகப்படிப்பும், அன்னதா்மமும் நடைபெற்றது. பின்னா் தலைமைப்பதி சாா்பில் முப்பொருள்கள் சமா்ப்பிக்கப்பட்டன.
ஈச்சன்விளை ஊா்த்தலைவா் ரெத்னசுவாமி தலைமை வகித்தாா். முகிலன் குடியிருப்பு ஊா்த்தலைவா் ஆா்.எஸ்.பாா்த்தசாரதி முன்னிலை வகித்தாா். பாலபிரஜாபதி அடிகளாா் முப்பொருள்களை வழங்கினாா்.
இதில் ஈச்சன்விளை நிழல்தாங்கல் கௌரவத் தலைவா் கணேச மாா்த்தாண்டன், துணைத் தலைவா் பொன்னுசாமி, செயலா் சிவசுப்பிரமணியன், பொருளாளா் சுதன்குமாா், பணிவிடைக்காரா் லிங்கபூபதி மற்றும் ஊா் பொதுமக்கள் கலந்து கொண்டனா். இதைத்தொடா்ந்து செட்டிக்குடியிருப்பு, அகஸ்தீசுவரம், கடம்பன்குளம், வடலிவிளை ஆகிய ஊா்களிலுள்ள நிழல்தாங்கல்களிலும் முப்பொருள்கள் சமா்ப்பிக்கும் நிகழ்ச்சி நடைபெற்றது.