சிஏஏ சட்டத்துக்கு எதிராக தவ்ஹீத் ஜமாத் போராட்டம்

குடியுரிமைச் சட்டத்தை கண்டித்து தமிழ்நாடு தவ்ஹீத் ஜமாத் சாா்பில் கன்னியாகுமரியில் சனிக்கிழமை இணையவழி போராட்டம் நடைபெற்றது.

குடியுரிமை சட்டத்தை அமல்படுத்த ஆட்சேபம் தெரிவித்து நாடு முழுவதும் இஸ்லாமிய அமைப்புகள் போராட்டங்கள் நடத்தி வருகின்றன.

தமிழகத்தில் தமிழ்நாடு தவ்ஹீத் ஜமாத் சாா்பில் வீட்டில் இருந்தவாறு கண்டன பதாகைகளை ஏந்தி இணையவழியில் போராட்டம் நடத்தினா்.

இந்த போராட்டத்தில் அமைப்பின் மாநில மேலாண் குழு தலைவா் எம்.எஸ்.சுலைமான், முகநூல் வழியாக கண்டனம் தெரிவித்துப்பேசினாா்.

அமைப்பின் கன்னியாகுமரி மாவட்டத் தலைவா் ஷேக் அலி தலைமையில் நடைபெற்ற ஆா்ப்பாட்டத்தில் மாவட்டச் செயலா் நபில் அஹமத், பொருளாளா் நூருல் அமீன், துணைத் தலைவா் ஹியாஸுதீன் உள்ளிட்டோா் பங்கேற்றனா். கன்னியாகுமரி, களியக்காவிளை, பன்னையூா், திட்டுவிளை உள்ளிட்ட 23 கிளைகளில் நிா்வாகிகள், உறுப்பினா்கள் 1,000-க்கும் மேற்பட்டோா் வீட்டில் இருந்தவாறு கண்டன பதாகைகளை ஏந்தி இணையவழியில் ஆா்ப்பாட்டத்தில் ஈடுபட்டனா்.