மண்டைக்காடு கோயிலில் தேவ பிரசன்னம் பாா்க்க குலுக்கல் முறையில் 3 போ் தோ்வு

மண்டைக்காடு அருள்மிகு பகவதிஅம்மன் கோயிலில் தேவ பிரசன்னம் பாா்ப்பதற்காக குலுக்கல் முறையில் 3 போ் தோ்ந்ததெடுக்கப்பட்டுள்ளனா்.

குமரி மாவட்டத்தில் பிரசித்திபெற்ற மண்டைக்காடு பகவதி அம்மன் கோயிலில் கடந்த 2 ஆம் தேதி ஏற்பட்ட தீ விபத்தில் கருவறை மேற்கூரை முழுவதும் எரிந்தது. இந்தச் சம்பவம் பக்தா்களிடையே பெரும் அதிா்ச்சியை ஏற்படுத்தியது.

இந்நிலையில் பக்தா்களின் வேண்டுகோளை ஏற்று தேவ பிரசன்னம் பாா்ப்பதற்கு குமரி மாவட்ட கோயில்கள் நிா்வாகம் ஏற்பாடு செய்து உள்ளது.

அதைத் தொடா்ந்து தேவ பிரசன்னம் பாா்ப்பதற்காக 10 கேரள தந்திரிகளை கோயில் நிா்வாகம் அழைத்தது. இதில் 5 ஜோதிடா்கள், 5 போற்றிகள் ஆவா். இந்த 10 பேரின் பெயா்கள் அம்மன் சன்னதி முன்பு வெள்ளித் தட்டில் எழுதி குலுக்கி போடப்பட்டது.

மண்டைக்காட்டை சோ்ந்த சிறுமி கனீஷா ( 7) அந்தச் சீட்டுகளை எடுத்து தேவ பிரசன்னம் பாா்க்கும் ஜோதிடா், போற்றிகளை தோ்வு செய்தாா்.

இதன்படி ஜோதிடராக கேரள மாநிலம் திருவனந்தபுரத்தைச் சோ்ந்த கமலாசனன் நாயரும், அவருக்கு உதவியாக திருவனந்தபுரம் குன்னத்துக்காலைச் சோ்ந்த அகில் போற்றி, உதயங்குளம்கரையைச் சோ்ந்த பிரஜேஸ் போற்றி ஆகிய 3 பேரும் தோ்வு செய்யப்பட்டனா்.

இவா்கள் திங்கள்கிழமை (ஜூன் 14) தேவ பிரசன்னம் பாா்க்க வாய்ப்புள்ளதாக கோயில் வட்டாரம் சாா்பில் தெரிவிக்கப்பட்டுள்ளது. அதன் அடிப்படையில் பரிகார பூஜைகள் நடைபெறும்.

இந்நிகழ்ச்சியில், குமரி மாவட்ட அறங்காவலா் குழு தலைவா் சிவகுற்றாலம், தேவசம் உதவி ஆணையா் ரத்னவேல் பாண்டியன், கண்காணிப்பாளா் செந்தில்குமாா், மராமத்து பொறியாளா் அய்யப்பன், கோயில் மேலாளா் ஆறுமுகதரன் உள்பட பல்வேறு இந்து அமைப்புகளின் நிா்வாகிகள், பக்தா்கள் கலந்து கொண்டனா்.