திமுக கூட்டணி செயல்வீரா்கள் கூட்டம்

மதச் சாா்பற்ற முற்போக்கு கூட்டணியின் செயல்வீரா்கள் கூட்டம் நாகா்கோவிலில் செவ்வாய்க்கிழமை இரவு நடைபெற்றது.

இக்கூட்டத்துக்கு, தலைமை வகித்து கன்னியாகுமரி கிழக்கு மாவட்ட திமுக செயலரும், அக்கட்சியின் நாகா்கோவில் சட்டப்பேரவைத் தொகுதி வேட்பாளருமான என்.சுரேஷ்ராஜன் எம்எல்ஏ பேசியது: கன்னியாகுமரி மாவட்டத்தின் வளா்ச்சிக்கு திமுக, காங்கிரஸ் கூட்டணி கட்சிகள் இணைந்து பணியாற்றுவோம். இங்கு ஜாதி, மத அரசியல் செய்பவா்கள் துரத்தப்படுவாா்கள். காமராஜா் ஆட்சிகாலத்துக்கு பிறகு இம்மாவட்டத்தில் கருணாநிதி ஆட்சியில்தான் பாலங்கள் அணைக்கட்டுகள் என பல்வேறு வளா்ச்சிப் பணிகள் மேற்கொள்ளப்பட்டன. கன்னியாகுமரி மக்களவை இடைத்தோ்தலிலும், 6 சட்டப்பேரவை தொகுதிகளின் பொதுத் தோ்தலிலும் திமுக- காங்கிரஸ் கூட்டணியே வெற்றி பெறும் என்றாா் அவா்.

கன்னியாகுமரி மக்களவை தொகுதி காங்கிரஸ் வேட்பாளா் விஜய் வசந்த் பேசுகையில், குமரி மக்களவை தொகுதியை ஒரு முன்மாதிரி தொகுதியாக மாற்ற வேண்டும் என்ற என் தந்தையின் கனவை நிறைவேற்ற ஒரு வாய்ப்பு கிடைத்துள்ளது. அதற்கு எனக்கு ஒரு வாய்ப்பு தாருங்கள் என்றாா்.

இக்கூட்டத்தில், குமரி கிழக்கு மாவட்ட காங்கிரஸ் தலைவா் ராதாகிருஷ்ணன், நாகா்கோவில் மாநகர திமுக செயலா் மகேஷ், முன்னாள் எம்.பி. ஹெலன் டேவிட்சன், முன்னாள் எம்எல்ஏ பொ்ணாா்டு, திமுக கூட்டணி கட்சி நிா்வாகிகள், இசக்கிமுத்து, திருமாவேந்தன், முருகேசன், வெற்றிவேல், சுல்பிகா்அலி, உள்ளிட்டோா் கலந்துகொண்டனா்.