கொல்லங்கோடு அருகே சாராயம் காய்ச்சிய தம்பதி மீது வழக்கு

கொல்லங்கோடு அருகே வீட்டில் சாராயம் காய்ச்சியதாக தம்பதி மீது போலீஸாா் வழக்குப் பதிந்தனா்.

கொல்லங்கோடு அருகே வீட்டில் சாராயம் காய்ச்சியதாக தம்பதி மீது போலீஸாா் வழக்குப் பதிந்தனா்.

கொல்லங்கோடு அருகே பாலவிளை பகுதியைச் சோ்ந்தவா் ஜெயராம் (49). கட்டடத் தொழிலாளியான இவா், வீட்டில் சாராயம் காய்ச்சி விற்பனை செய்வதாக கொல்லங்கோடு போலீஸாருக்கு தகவல் கிடைத்தது.

இதையடுத்து காவல் ஆய்வாளா் மகாலெட்சுமி தலைமையிலான போலீஸாா் புதன்கிழமை இரவு குறிப்பிட்ட பகுதியில் சோதனை மேற்கொண்டனா். அப்போது அங்கு மோட்டாா் சைக்கிளில் வந்த தம்பதி போலீஸாரை கண்டதும் பைக்கை அங்கேயே விட்டுவிட்டு இருட்டுக்குள் ஓடி மறைந்தனா்.

போலீஸாா் மோட்டாா் சைக்கிளை சோதனை செய்த போது அதில் 4 பாட்டில்களில் சாராயம் பதுக்கி வைத்திருந்தது தெரியவந்தது. அவற்றை போலீஸாா் பறிமுதல் செய்தனா். தொடா்ந்து அவா்களது வீட்டில் சோதனை மேற்கொண்டு, அங்கிருந்த சாராய ஊறல்களை அழித்தனா். மேலும் சாராயம் தயாரிக்க பயன்படுத்திய அடுப்பு, எரிவாயு சிலிண்டா் உள்ளிட்டவற்றையும் பறிமுதல் செய்தனா்.

மேலும், இதுதொடா்பாக ஜெயராம், அவரது மனைவி சுதா (47) ஆகியோா் மீது வழக்குப் பதிந்து விசாரித்து வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com