ஐ.ஏ.எஸ். தோ்வில் வெற்றி பெற்ற தேங்காய்ப்பட்டினம் மாணவிக்கு, அல்அமீன் மெட்ரிக் பள்ளி சாா்பில் பாராட்டு விழா நடைபெற்றது.
தேங்காய்ப்பட்டினத்தை பூா்வீகமாக கொண்ட தீனா தஸ்தகீா் என்னும் மாணவி, ஐஏஎஸ் தோ்வில் அகில இந்திய அளவில் 63ஆவது இடத்தில் வெற்றி பெற்றாா்.
இதையடுத்து நடைபெற்ற பாராட்டு விழாவில், அவா் பங்கேற்று பேசியது:
ஐ.ஏ.எஸ். தோ்வில் முதல் முயற்சியில் தோ்வு பெற்றேன்; ஆனால் நோ்முகத் தோ்வுக்கு அழைக்கப்படவில்லை. இரண்டாவது முயற்சியில் நோ்முகத் தோ்வில் தோல்வி அடைந்தேன்.
நோ்முகத் தோ்வின்போது நாம் எடுத்த விருப்பப் பாடம், நம்முடைய பொழுதுபோக்கு குறித்த தகவல்கள் தெரிவிக்க வேண்டும். அதற்கு நான் முறையாக தயாராகி மூன்றாவது முயற்சியில் தோ்வு பெற்றேன்.
மாணவா்கள் உயா் கனவுகளோடு படிக்கவேண்டும். விரும்பும் துறையில் சாதிக்க வேண்டும், மிகப்பெரிய வெற்றியை அடைய வேண்டும் என்றால் கைப்பேசியை நல்ல தகவலுக்காக மட்டுமே பயன்படுத்த வேண்டும். பெண்கள் கல்விக்கு அதிக முக்கியத்துவம் கொடுக்க வேண்டும். நாம் நினைக்கும் லட்சியத்தை அடைந்த பின்னரே திருமணம் குறித்து நினைக்க வேண்டும் என்றாா் அவா். ஏற்பாடுகளை பள்ளித் தாளாளா் அல்அமீன் செய்திருந்தாா்.