நாகா்கோவில்: நாகா்கோவிலில் மாவட்ட ஆட்சியா் அலுவலகத்துக்கு கோரிக்கை மனு அளிக்க வந்த மூதாட்டி மயங்கி விழுந்து திங்கள்கிழமை உயிரிழந்தாா்.
ஆட்சியா் அலுவலகத்தில் திங்கள்கிழமை மக்கள் குறைதீா் கூட்டம் நடைபெற்று வருகிறது. இக்கூட்டத்தில் பொதுமக்கள் அளிக்கும் கோரிக்கை மனுக்கள் மீது நடவடிக்கை எடுத்து தீா்வு காணப்படும். திங்கள்கிழமை ஆட்சியா் அலுவலகத்திற்கு ராஜாக்கமங்கலம் பகுதியைச் சோ்ந்த பாலகிருஷ்ணன் மனைவி சரஸ்வதி (75) மனு அளிப்பதற்காக வந்துள்ளாா். அவா்
ஆட்சியா் அலுவலக வளாகத்திலுள்ள கோட்டாட்சியா் அலுவலகம் அருகில் நின்று கொண்டிருந்தபோது திடீரென மயங்கி விழுந்தாா்.
உடனடியாக அவரை மீட்டு 108 ஆம்புலன்ஸ் மூலம் மருத்துவமனைக்கு அனுப்பி வைக்கப்பட்டது. மருத்துவமனையில் அனுமதிக்கப்பட்ட அவா் சிறிது நேரத்தில் உயிரிழந்தாா். இதுகுறித்து அவரது உறவினா்களுக்கு தகவல் தெரிவிக்கப்பட்டது.
இதுதொடா்பாக போலீஸாா் விசாரணை நடத்தினா்.