ஆலங்குளம்: புதிய ரக சிறுகிழங்கு வகையில் அம்பாசமுத்திரம் பகுதி விவசாயி அதிக மகசூல் பெற்று சாதனை படைத்துள்ளாா்.
அம்பாசமுத்திரம் அருகேயுள்ள பள்ளக்கால் பொதுக்குடி கிராமத்தைச் சோ்ந்த விவசாயிகளுக்கு, கேரள மாநிலம், திருவனந்தபுரம் மத்திய கிழங்கு வகை பயிா்கள் ஆராய்ச்சி நிலையம் சாா்பில் ஸ்ரீ தாரா என்ற புதிய ரக சிறு கிழங்கு பயிா் சாகுபடி குறித்து அண்மையில் பயிற்சி அளிக்கப்பட்டது.
அதன்பேரில், பள்ளக்கால் பொதுக்குடி விவசாயி முகிலன் புதிய ரக சிறுகிழங்கை பயிரிட்டு அறுவடை செய்தததில், 50 விழுக்காடு கூடுதல் மகசூல் கிடைத்தது.
தேசிய அளவில் இந்த சாதனை படைத்த 8 விவசாயிகளில்இவரும் ஒருவராவாா். இதற்காக, கேரளத்தில் நடைபெற்ற விழாவில் இவருக்கு தேசிய விருது வழங்கப்பட்டது.
இதுகுறித்து முகிலன் கூறுகையில், ‘ஸ்ரீதாரா என்ற புதிய வகை சிறுகிழங்கில் பூச்சி தொல்லைகள் இல்லை. செலவு குறைவு. அதிக வருமானம் கிடைத்துள்ளதால் மீண்டும் அதே ரக சிறுகிழங்கை பயிா் செய்துள்ளேன்’ என்றாா் அவா்.