பொங்கல் பண்டிகையை முன்னிட்டு, குமரி மாவட்டத்தில் 5 லட்சத்து 63 ஆயிரத்து 937 குடும்ப அட்டைதாரா்களுக்கு பொங்கல் சிறப்பு பரிசுத் தொகுப்பு பொருள்கள் செவ்வாய்க்கிழமை (ஜன.4) முதல் வழங்கப்படுகிறது என்றாா் மாவட்ட ஆட்சியா் மா.அரவிந்த்.
ஆட்சியா் அலுவலக கூட்ட அரங்கில், தமிழக அரசின் பொங்கல் சிறப்பு பரிசுத் தொகுப்பு வழங்குவது குறித்து, துறை சாா்ந்த அலுவலா்களுடன் ஆட்சியா் கலந்தாய்வு மேற்கொண்டாா்.
பின்னா் அவா் கூறியது: தமிழா் திருநாளாம் தைப் பொங்கல் பண்டிகையை சிறப்பாக கொண்டாடும் பொருட்டு, தமிழகத்தின் அனைத்து குடும்ப அட்டைதாரா்கள் மற்றும் இலங்கைத் தமிழா் மறுவாழ்வு முகாம்களில் வசிக்கும் குடும்பங்களுக்கும் 21 பொருள்கள் அடங்கிய பொங்கல் சிறப்பு பரிசுத் தொகுப்பு வழங்கும் திட்டத்கர தமிழக முதல்வா் மு.க.ஸ்டாலின் சென்னையில் ஜன.4 ஆம் தேதி தொடங்கி வைக்கிறாா்.
அதைத் தொடா்ந்து, குமரி மாவட்டத்திலுள்ள 5 லட்சத்து 63 ஆயிரத்து 937 குடும்ப அட்டைதாரா்கள் மற்றும் இலங்கைத் தமிழா் மறுவாழ்வு முகாம்களில் வசிக்கும் குடும்பங்களுக்கு மாவட்டத்தின் நியாயவிலைக் கடைகள் மூலம் 21 பொருள்கள் அடங்கிய பொங்கல் சிறப்பு பரிசுத் தொகுப்புகள் வழங்கப்பட உள்ளது என்றாா்அவா்.
கூட்டத்தில், இணைஆணையா் (கூட்டுறவு) சந்திரசேகரன், நுகா்பொருள் வாணிபக் கழக மண்டல மேலாளா் மாரிமுத்து உள்பட துறை சாா்ந்த அலுவலா்கள் பலா் கலந்து கொண்டனா்.