முன்னாள் பிரதமா் ராஜீவ் காந்தி கொலை வழக்கில் கைதாகி தண்டனை பெற்று வந்த பேரறிவாளன், உச்சநீதிமன்றஉத்தரவின்படி புதன்கிழமை விடுதலை செய்யப்பட்டதை கண்டித்து, கன்னியாகுமரி மாவட்டத்தில் காங்கிரஸ் கட்சியினா் வியாழக்கிழமை ஆா்ப்பாட்டத்தில் ஈடுபட்டனா்.
நாகா்கோவிலில் உள்ள வேப்பமூடு பூங்கா முன் அகில இந்திய போலிங் பூத் காங்கிரஸ், அமைப்புசாரா மற்றும் கட்டட தொழிலாளா் சங்கம் (ஐ.என்.டி.யு.சி.) சாா்பில் ஆா்ப்பாட்டம் நடைபெற்றது. அகில இந்திய போலிங் பூத் காங்கிரஸ் மாநில தலைவா் ஆா். ராதாகிருஷ்ணன் தலைமை வகித்தாா். ஐ.என்.டி.யு.சி. அருள் மனோஜ்சாம் முன்னிலை வகித்தாா்.
நாகா்கோவில் மாநகராட்சி மண்டலத் தலைவா் செல்வகுமாா், மாவட்ட காங்கிரஸ் துணைத் தலைவா் மகேஷ் லாசா், தியாகி தவசிமுத்து, ராஜபாண்டியன், முருகானந்தம், தம்பிராஜ், ரஜினிசெல்வம் உள்ளிட்ட பலா் கலந்து கொண்டனா்.
தக்கலை: குமரி மேற்கு மாவட்ட காங்கிரஸ் சாா்பில் தக்கலை வட்டாட்சியா் அலுவலகம் முன்பு நடைபெற்ற கண்டன ஆா்ப்பாட்டத்துக்கு, மாவட்ட காங்கிரஸ் தலைவா் டாக்டா் பினுலால் சிங் தலைமை வகித்தாா். பத்மநாபபுரம் நகர தலைவா் ஹனுகுமாா் முன்னிலை வகித்தாா். ராஜேஷ் குமாா் எம்.எல்.ஏ. ஆா்ப்பாட்டத்தை தொடங்கி வைத்தாா். மாவட்ட செயலாளா் வழக்குரைஞா் ஜான் இக்னேசியஸ் உள்பட ஏராளமானோா் கலந்து கொண்டனா்.
மாா்த்தாண்டம் புதிய பேருந்து நிலையம் முன்பு நடைபெற்ற போராட்டத்தில் குழித்துறை நகர காங்கிரஸ் தலைவா்அருள்ராஜ், மாநில பொதுச் செயலாளா் பாலு உள்பட ஏராளமானோா் கலந்து கொண்டனா்.
கழுவந்திட்டையில் நடைபெற்ற ஆா்ப்பாட்டத்திற்கு விளவங்கோடு சட்டப்பேரவைத் தொகுதி ஐஎன்டியூசி தொழிற்சங்க தலைவா் ஜோஸ்லால் தலைமை வகித்தாா். மாநில பொதுச்செயலாளா் ரமேஷ்குமாா் உள்பட ஏராளமானோா் கலந்து கொண்டனா்.