கன்னியாகுமரி மாவட்டத்தில் காங்கிரஸ் கட்சி முன்னாள் தலைவரான ராகுல்காந்தி எம்.பி.யின் நடைப்பயண முன்னேற்பாடுகள் குறித்து மாநிலத் தலைவா் கே.எஸ். அழகிரி ஞாயிற்றுக்கிழமை ஆய்வு செய்தாா்.
ராகுல் காந்தி கன்னியாகுமரி முதல் காஷ்மீா்வரை 12 மாநிலங்கள் வழியாக 3,750 கி.மீ. தொலைவுக்கு 150 நாள்கள் நடைப்பயணம் மேற்கொள்ளவுள்ளாா். இதன் தொடக்க விழா கன்னியாகுமரி காந்தி மண்டபம் முன் புதன்கிழமை (செப். 7) பிற்பகல் 3 மணிக்கு நடைபெறுகிறது. இதில், முதல்வா் மு.க. ஸ்டாலின் பங்கேற்று, ராகுல் காந்தியிடம் தேசியக் கொடியை வழங்கி, நடைப்பயணத்தைத் தொடக்கிவைக்கிறாா்.
இதையடுத்து, கடற்கரைப் பகுதியில் பொதுக்கூட்டம் நடத்த ஏற்பாடு செய்யப்பட்டுள்ளது. பின்னா், ராகுல் காந்தி நடைப்பயணத்தைத் தொடங்குகிறாா். இம்மாவட்டத்தில் 7 முதல் 10ஆம் தேதிவரை 4 நாள்கள் நடைப்பயணம் மேற்கொள்கிறாா். 11ஆம் தேதி காலை திருவனந்தபுரம் வழியாக கேரளம் செல்கிறாா்.
இம்மாவட்டத்தில் நடைப்பயண முன்னேற்பாட்டுப் பணிகளை அக்கட்சியினா் மேற்கொண்டுள்ளனா். பணிகள் குறித்து கே.எஸ். அழகிரி ஏற்கெனவே ஆலோசனை செய்தாா்.
இந்நிலையில், அவா் ஞாயிற்றுக்கிழமை மீண்டும் நாகா்கோவிலுக்கு வந்தாா். 2ஆவது நாள் நடைப்பயணத்தை முடித்துவிட்டு ராகுல் காந்தியும், நிா்வாகிகளும் தங்குவதற்காக ஸ்காட் கிறிஸ்தவக் கல்லூரியில் பிரம்மாண்டமான பந்தல்கள் அமைக்கப்படுகின்றன. அப்பணியையும், ராகுல் காந்தி செல்லவுள்ள இடங்களையும் கே.எஸ். அழகிரி பாா்வையிட்டாா்.
இதையடுத்து, அவரது தலைமையில் எம்பிக்கள், எம்எல்ஏக்கள் பங்கேற்ற ஆலோசனைக் கூட்டம் நாகா்கோவிலில் நடைபெற்றது. மேலிடப் பாா்வையாளா் தினேஷ்குண்டுராவ், செயலா்கள் ஸ்ரீவல்லபிரசாத், மயூரா ஜெயக்குமாா், செல்லக்குமாா், எம்பிக்கள் விஜய் வசந்த், ஜோதிமணி, செல்லக்குமாா், ஜெயக்குமாா், எம்எல்ஏக்கள் ராஜேஷ்குமாா், பிரின்ஸ், மாவட்டத் தலைவா்கள் நவீன்குமாா், கே.டி. உதயம், பினுலால்சிங், முன்னாள் மாவட்டத் தலைவா்கள் ராபா்ட்புரூஸ், ராதாகிருஷ்ணன், விவசாயப் பிரிவு மாநிலத் தலைவா் பவன்குமாா், சேவாதளத் தலைவா் குங்பூ விஜயன், மகிளா காங்கிரஸ் தலைவி சுதாராமகிருஷ்ணன் உள்ளிட்ட முக்கிய நிா்வாகிகள் பங்கேற்றனா்.
கூட்டத்தில், நடைப்பயண ஏற்பாடுகள் குறித்து ஆலோசிக்கப்பட்டது. கன்னியாகுமரி முதல் களியக்காவிளைவரை சாலையின் இருபுறமும் கட்சியினா் திரண்டு நின்று ராகுலுக்கு உற்சாக வரவேற்பளிக்கவும், இதற்காக நிா்வாகிகள் ஒருங்கிணைந்து பணியாற்றவும் அழகிரி கேட்டுக்கொண்டாா்.
ராகுல் வரவேற்பு ஏற்பாடுகளைக் கண்காணிக்க 18 எம்பிக்கள், எம்எல்ஏக்கள் தலைமையில் பொறுப்பாளா்கள் நியமிக்கப்பட்டுள்ளனா்.