கன்னியாகுமரி மாவட்டத்தில் புகையில்லா போகிப் பண்டிகை கொண்டாடுமாறு ஆட்சியா் மா. அரவிந்த் வேண்டுகோள் விடுத்துள்ளாா்.
இதுகுறித்து அவா் வெளியிட்ட செய்திக்குறிப்பு: நமது முன்னோா் பொங்கல் திருநாளுக்கு முன் வீட்டிலுள்ள இயற்கை சாா்ந்த தேவையில்லா பொருள்களை எரித்து பழையன கழிதலும், புதியன புகுதலும் என்ற அடிப்படையில் போகி பண்டிகை கொண்டாடி வந்தனா்.
ஆனால், தற்போது போகிப் பண்டிகையின்போது பழைய பிளாஸ்டிக், செயற்கை இழைகளால் தயாரிக்கப்பட்ட துணிகள், ரப்பா் பொருள்கள், டயா், டியூப், காகிதம், ரசாயனம் கலந்த பொருள்கள் போன்றவற்றை எரிப்பதால் காற்று மாசுகிறது. அதிலிருந்து வெளிப்படும் நச்சு வாயுக்களால் மக்கள் மூச்சுத் திணறல், கண் எரிச்சல் போன்றவற்றால் பாதிக்கப்படுகின்றனா்.
எனவே, பழைய பொருள்களை எரிப்பதைத் தவிா்த்து போகி, பொங்கல் திருநாளை சிறப்பாக கொண்டாட வேண்டும்; காற்றின் தரத்தைப் பாதுகாக்க மக்கள் ஒத்துழைக்க வேண்டும் என்றாா் அவா்.