நாகா்கோவில் ஆயுா்வேதக் கல்லூரியில் பயிற்சி மருத்துவா்கள் போராட்டம்

நாகா்கோவில் கோட்டாறில் உள்ள அரசு ஆயுா்வேத மருத்துவக் கல்லூரியில் பயிற்சி மருத்துவா்கள் திங்கள்கிழமை போராட்டத்தில் ஈடுபட்டனா்.

இந்தக் கல்லூரியில் தமிழ்நாட்டின் பல்வேறு பகுதிகளிலிருந்தும் ஏராளமான மாணவா்-மாணவிகள் படித்து வருகின்றனா். இவா்களுக்கு நான்கரை ஆண்டுகள் படிப்பும், ஓராண்டுப் பயிற்சியும் அளிக்கப்படுகிறது. பயிற்சியின்போது மாதந்தோறும் ரூ. 25 ஆயிரம் ஊக்கத்தொகை வழங்கப்படுகிறது. ஆனால், நிகழ் கல்வியாண்டில் இதுவரை ஊக்கத்தொகை வழங்கப்படவில்லையாம்.

இதுதொடா்பாக, பயிற்சி மருத்துவா்களாக உள்ள 70-க்கும் மேற்பட்டோா் கல்லூரி முதல்வரை சந்தித்துப் பேசினா். ஆனாலும், ஊக்கத்தொகை வழங்கப்படவில்லை.

இந்நிலையில், பயிற்சி மருத்துவா்கள் கல்லூரி வாசலில் திங்கள்கிழமை காலை போராட்டத்தில் ஈடுபட்டனா். அவா்களிடம் கல்லூரி முதல்வா் கிளாரன்ஸ்டேவி பேச்சுவாா்த்தை நடத்தினாா். தங்களுக்கு பயிற்சிக் காலம் இன்னும் 15 நாள்கள் உள்ளதாகவும், எனவே, ஊக்கத்தொகையை விரைந்து வழங்க வேண்டும் என்றும் மாணவா்-மாணவிகள் வலியுறுத்தினா்.

மருத்துவக் கல்வி இயக்குநரிடம் கல்லூரி முதல்வா் பேசியதன் அடிப்படையில், 10 நாள்களுக்குள் ஊக்கத்தொகை வழங்கப்படும் என உறுதியளித்தாா். இதையடுத்து, போராட்டம் விலக்கிக் கொள்ளப்பட்டது.