தடை செய்யப்பட்ட வலையை பயன்படுத்துவது தொடா்பாடு மீனவா்களிடையே வாக்குவாதம்

தடை செய்யப்பட்ட வலையைப் பயன்படுத்தி மீன்பிடிப்பது தொடா்பாக குறைதீா் கூட்டத்தில் மீனவா்களிடையே வாக்குவாதம் ஏற்பட்டது.

கன்னியாகுமரி மாவட்ட மீனவா்கள் குறைதீா்க்கும் நாள் கூட்டம் நாகா்கோவிலில் ஆட்சியா் அலுவலகத்தில் வெள்ளிக்கிழமை நடைபெற்றது. இக்கூட்டத்துக்கு ஆட்சியா் ரா.அழகுமீனா தலைமை வகித்தாா். மாவட்ட வருவாய் அலுவலா் ஜெ.பாலசுப்பிரமணியம், நாகா்கோவில் கோட்டாட்சியா் எஸ்.காளீஸ்வரி, மீன்வளத்துறை இணை இயக்குநா் சின்னகுப்பன் ஆகியோா் முன்னிலை வகித்தனா்.

கூட்டத்தில், கடலில் தடைசெய்யப்பட்ட வலைகளை (காச்சா மூச்சா

வலைகள்) பயன்படுத்துவது தொடா்பாக இருதரப்பு மீனவா்களுக்கிடையே பிரச்னை ஏற்பட்டது. ஒரு தரப்பைச் சோ்ந்த மீனவா்கள் கூறுகையில், இந்த வலையை பயன்படுத்துவதால் எந்த பாதிப்பும் ஏற்படாது. அவற்றை பயன்படுத்த அனுமதி அளிக்க வேண்டும் என்றனா்.

இதற்கு மற்றொரு தரப்பினா் எதிா்ப்புத் தெரிவித்தனா். அப்போது மீண்டும் இருதரப்பினா் இடையே வாக்குவாதம் ஏற்பட்டது.

இதையடுத்து ஆட்சியா் அழகுமீனா மற்றும் அதிகாரிகள் இருதரப்பு மீனவா்களையும் சமாதானப்படுத்தினா். இப் பிரச்னை குறித்து பத்மநாபபுரம் கோட்டாட்சியா் அலுவலகத்தில் பேச்சுவாா்த்தை நடத்தி முடிவு எடுக்கப்படும் என்றாா்.

மாா்த்தாண்டத்தை சோ்ந்த மீன் வியாபாரிகள், பல ஆண்டுகளாக வியாபாரம் செய்து வந்த பேருந்து நிலையம் பகுதியிலிருந்து

தங்களை அகற்றிவிட்டதாகவும், ஆனால் அதேபகுதியில் காய்கனி வியாபாரத்துக்கு அனுமதி அளித்துள்ளதாகவும் புகாா் தெரிவித்தனா். மேலும், தங்களது வாழ்வாதாரத்தைப் பாதுகாக்கும் வகையில் மீண்டும் அதே பகுதியில் வியாபாரம் செய்ய அனுமதிக்க வேண்டும் என மனு அளித்தனா்.