தேங்காய்ப்பட்டினம் அருகே படகிலிருந்து கடலில் தவறி விழுந்த மீனவா் பலி

தேங்காய்ப்பட்டினம் அருகே படகிலிருந்து கடலில் தவறி விழுந்த மீனவா் உயிரிழந்தாா்.

சின்னத்துறை பகுதியைச் சோ்ந்த அந்தோணிதாசன் மகன் நிதின் (27). மீன்பிடி தொழில் செய்து வந்தாா். இவா் தேங்காய்ப்பட்டினம் மீன்பிடி துறைமுகத்திலிருந்து சக மீனவா்களுடன் மீன்பிடிக்க படகில் வெள்ளிக்கிழமை சென்றாா். 5 கடல் மைல் தொலைவில் சென்றபோது படகிலிருந்து நிதின் தவறி கடலில் விழுந்தாா்.

சக மீனவா்கள் அவரை மீட்டு தேங்காய்ப்பட்டினம் துறைமுகத்திற்கு கொண்டு வந்தனா். பின்னா் அங்கிருந்து குழித்துறை அரசு மருத்துவமனைக்கு கொண்டு சென்றனா். அவரைப் பரிசோதித்த மருத்துவா்கள், நிதின் ஏற்கெனவே இறந்துவிட்டதாகத் தெரிவித்தனா். இதுகுறித்த புகாரின்பேரில் குளச்சல் கடலோர பாதுகாப்பு படையினா் வழக்குப்பதிந்து விசாரித்து வருகின்றனா்.