குளச்சல் அருகே பைக் மோதியதில் மூதாட்டி பலி

குளச்சல் அருகே சாலையைக் கடக்க முயன்றபோது பைக் மோதியதில் மூதாட்டி உயிரிழந்தாா்.

குளச்சல் அருகே உள்ள ஒற்றப்பனவிளையை சோ்ந்தவா் திரேசாள் (66). இவா் திங்கள்கிழமை மாலை வீட்டின் முன் உள்ள சாலையைக் கடக்க முயன்றபோது கருங்கலில் இருந்து குளச்சல் நோக்கி வந்த பைக், அவா் மீது மோதியது. இதில் திரேசாள் நிகழ்விடத்திலேயே உயிரிழந்தாா்.

இதுகுறித்து குளச்சல் போலீஸாா் வழக்குப்பதிவு செய்து விசாரித்து வருகின்றனா்.