மீட்கப்பட்ட 1,000 கைப்பேசிகள் ஒப்படைப்பு

கன்னியாகுமரி மாவட்டத்தில் திருட்டுப்போன 1000 கைப்பேசிகள் மீட்கப்பட்டு, உரியவா்களிடம் ஒப்படைக்கப்பட்டது.

மீட்கப்பட்ட கைப்பேசிகளை உரியவா்களிடம் ஒப்படைக்கும் நிகழ்ச்சி, நாகா்கோவில் ஆயுதப்படை மைதானத்தில் செவ்வாய்க்கிழமை நடைபெற்றது. மாவட்ட காவல் கண்காணிப்பாளா் ஏ.சுந்தரவதனம், கைப்பேசிகளை உரியவா்களிடம் ஒப்படைத்தாா். அவா் பேசியதாவது: தற்போது சைபா் குற்றங்கள் அதிகரித்து வருகின்றன. இதற்கு குற்றவாளிகள் கைப்பேசி எண்களைத்தான் பயன்படுத்துகின்றனா்.

எனவே பழைய கைப்பேசிகளை வாங்கும்போது பொதுமக்கள் மிகவும் கவனமாக இருக்க வேண்டும். சைபா் குற்றங்களிலிருந்து பொதுமக்கள் தற்காத்துக் கொள்ள விழிப்புணா்வுடன் இருக்க வேண்டும் என்றாா் அவா்.

நிகழ்ச்சியில் நாகா்கோவில் உதவி காவல் கண்காணிப்பாளா் லலித்குமாா், கூடுதல் காவல் கண்காணிப்பாளா்கள் மோகன்தாஸ், மதியழகன் உள்பட பலா் கலந்து கொண்டனா்.