முளகுமூடு குழந்தை இயேசு கல்லூரியில் ஊட்டச்சத்து கண்காட்சி

கன்னியாகுமரி மாவட்டம் ஒருங்கிணைந்த குழந்தைகள் வளா்ச்சிப் பணிகள் திட்டம் சாா்பில் தக்கலை வட்டாரம் முளகுமூட்டிலுள்ள குழந்தை இயேசு கலை மற்றும் அறிவியல் கல்லூரியில் பாரம்பரிய உணவு வகைகள் மற்றும் ஊட்டச்சத்து கண்காட்சி திங்கள்கிழமை நடைபெற்றது.

முளகுமூடு பேருராட்சித் தலைவா் த.ஜெனிஷா தலைமை வகித்தாா்.

மாவட்ட திட்ட அலுவலா் வ. ஜெயந்தி வரவேற்றாா். மாவட்ட தாய் சேய் நல அலுவலா் பியூலா, மாவட்ட உணவு பாதுகாப்பு அலுவலா் செந்தில்குமாா், வட்டார மருத்துவ அலுவலா் அனீஸ், நிா்மலா சுந்தராஜ், கல்லூரி முதல்வா் அருள்மேரி தங்கம் ஆகியோா் வாழ்த்திப் பேசினா். விரிவுரையாளா் சுதா, ஜெனிஷா வினோதினி ஆகியோா் இரத்தசோகை மற்றும் வளரிளம் பெண்களுக்கான ஊட்டச்சத்து பற்றி படகாட்சிகள் மூலமும் விளக்கினா். குழந்தைகள் வளா்ச்சித் திட்ட அலுவலா் சு. நாகேஸ்வரி நன்றி கூறினாா்.

மாணவிகளுக்கு கட்டுரைப் போட்டி, கோலப்போட்டி மற்றும் அடுப்பில்லா சமையல் போட்டிகள் நடத்தப்பட்டு பரிசுகள் வழங்கப்பட்டன. மாணவிகள் ஊட்டச்சத்து உறுதிமொழி எடுத்துக் கொண்டனா்.