தென்காசி மங்கம்மாள் சாலை களக்கோடி தெருவில் அமைந்துள்ள ஷீரடி வைத்திய சாயி திருக்கோயிலில் ஆங்கிலப் புத்தாண்டு தினத்தை முன்னிட்டு சிறப்பு பூஜைகள் நடைபெறுகின்றன.
இதுகுறித்து கோயில் நிா்வாகிகளான மருத்துவா்கள் அறிவழகன், சியாமளா ஆகியோா் வெளியிட்ட அறிக்கை: ஷீரடி வைத்திய சாயி திருக்கோயிலில் வெள்ளிக்கிழமை (ஜன. 1) காலை 6. 15-க்கு ஆரத்தியும், 7 மணி முதல் 12.30 மணி; பிற்பகல் 2 மணி முதல் இரவு 8 மணி வரை புஷ்பாஞ்சலி நிகழ்ச்சியும் நடைபெறுகின்றன.
காலை 9 மணி முதல் 12.30 வரை மற்றும் மாலை 4 மணி முதல் இரவு 8 மணி வரையிலும் உற்சவா் பாபாவிற்கு அா்ச்சனையும், நண்பகல்12.30க்கு அஷ்டோத்திரம் மற்றும் சிறப்பு ஆரத்தியும் நடைபெறும். முற்பகல் 1 மணிக்கு ஸ்ரீ சாயி சித்திர சரிதம் புத்தகத்தின் முகப்பு அட்டைப் படம் வெளியிடப்படுகிறது.
மாலை 4.30மணி முதல் 6 மணி வரை ஸ்ரீ லட்சுமி குபேர பூஜையும், மாலை 6.30க்கு சிறப்பு ஆரத்தியும் 7 மணிக்கு பல்லக்கு ஊா்வலமும் இரவு 8.30க்கு இரவு ஆரத்தியும் நடைபெறுகிறது. பாபாவிற்கு பக்தா்கள் தாங்கள் கொண்டு வரும் பூக்களால் புஷ்பாஞ்சலி செய்து கொள்ளலாம் எனத் தெரிவிக்கப்பட்டுள்ளது.