முகப்பு அனைத்துப் பதிப்புகள் திருநெல்வேலி தென்காசி
கீழப்பாவூரில் கபடி- வாலிபால் போட்டி
By DIN | Published On : 27th January 2020 08:53 AM | Last Updated : 27th January 2020 08:53 AM | அ+அ அ- |
கபடி போட்டியில் வெற்றி பெற்ற அணியினருக்கு பரிசு வழங்குகின்றனா் விழாக்குழுவினா்.
கீழப்பாவூா் விளையாட்டு குழு சாா்பில் முதலாம் ஆண்டு தென்னிந்திய அளவிலான சூரிய ஒளி கைப்பந்து மற்றும் மின்னொளி கபடி போட்டி கீழப்பாவூரில் நடைபெற்றது.
தொடக்க விழாவிற்கு விளையாட்டு குழுத் தலைவா் டாக்டா் சிவச்சந்திரன் தலைமை வகித்தாா். விளையாட்டு குழு நிறுவனா் பி.ஆா்.கே. அருண் வரவேற்றாா். செயலா் தங்கராஜ் தொகுத்து வழங்கினாா். போட்டிகளை முன்னாள் எம்.பி. கே.ஆா்.பி.பிரபாகரன் போட்டிகளை தொடங்கி வைத்தாா்.
கபடி போட்டியில் முதலிடம் பெற்ற நெல்லை துா்க்காம்பிகை அணிக்கு ரூ. 50 ஆயிரம், 2 ஆம் இடம் பெற்ற சென்னை போஸ்டல் அணிக்கு ரூ. 30 ஆயிரம், வெற்றி வாய்ப்பை இழந்த பெத்தநாடாா்பட்டி அசத்தல், திப்பணம்பட்டி சாரல் அணிக்கு தலா ரூ.10 ஆயிரம் பரிசுத்தொகையாக வழங்கப்பட்டது.
கைப்பந்து போட்டியில் முதலிடம் பெற்ற லெவிஞ்சிபுரம் கேப் கல்லூரி அணிக்கு ரூ.15 ஆயிரம், 2 ஆம் இடம் பெற்ற சிவகாமிபுரம் காமராஜா் வாலிபால் கிளப் அணிக்கு ரூ.10 ஆயிரம், வெற்றி வாய்ப்பை இழந்த கீழப்பாவூா் ஸ்பைடா் ஸ்போா்ட்ஸ் கிளப், சுரண்டை கே.வி.சி. அணிக்கு தலா ரூ. 5 ஆயிரம் பரிசுத்தொகையாக வழங்கப்பட்டது.
வெற்றி பெற்ற அணிகளுக்கு கீழப்பாவூா் விளையாட்டு குழு சாா்பில் வெற்றி கோப்பைகள் வழங்கப்பட்டன.
பரிசளிப்பு விழா நிகழ்ச்சியில் காவல் உதவி ஆய்வாளா் லெ.சின்னத்துரை, ச.செல்வன், பொன்.அறிவழகன், கே.ஆா்.பி.இளங்கோ, அருள். இளங்கோவன், அருள்செல்வன், சோ்மக்கனி, சுடலைமணி உள்ளிட்டோா் கலந்து கொண்டனா்.
