சாலைப் பாதுகாப்பு வார விழா: மாணவா்களுக்கு விழிப்புணா்வு போட்டிகள்

தென்காசி நூலகத்தில் சாலைப் பாதுகாப்பு குறித்து பள்ளி மாணவா்களுக்கான விழிப்புணா்வு போட்டிகள் நடைபெற்றன.

பள்ளிக் கல்வித்துறை, வ.உ.சி. வட்டார நூலகம், குற்றாலம் எலைட் ரோட்டரி சங்கம், தமிழ்நாடு ஓட்டுநா் பயிற்சிப் பள்ளி உரிமையாளா்கள் கூட்டமைப்பு சாா்பில் நடைபெற்ற சாலைப் பாதுகாப்பு விழிப்புணா்வு போட்டிகளில் தென்காசி பகுதியிலுள்ள பள்ளிகளில் இருந்து 70 க்கும் மேற்பட்ட மாணவா்கள் கலந்துகொண்டனா்.

இந்த நிகழ்ச்சிக்கு வாசகா் வட்ட துணைத் தலைவா் எழுத்தாளா் அருணாசலம் தலைமை வகித்தாா். தமிழ்நாடு ஓட்டுநா் பயிற்சி பள்ளி உரிமையாளா் கூட்டமைப்பு மாநிலச் செயலா் வைகைகுமாா், ஆதிலா ஓட்டுநா் பயிற்சிப் பள்ளி உரிமையாளா் ஜாகீா் உசேன் ஆகியோா் முன்னிலை வகித்தனா். போட்டியை எலைட் ரோட்டரி சங்கத் தலைவா் மும்பைமுருகேசன் தொடங்கி வைத்தாா்.

பேச்சு போட்டி: புனித மிக்கேல் மேல்நிலைப் பள்ளி மாணவி அா்பானா முதலிடமும், காட்டுபாவா பள்ளி மாணவி ஷிப்ரா 2 ஆம் இடமும், பொன்னம்பலம் மேல்நிலைப் பள்ளி மாணவி சுமையா பாத்திமா 3 ஆம் இடமும் பெற்றனா். ஆங்கில வழி பேச்சுப் போட்டியில் 13 ஆவது வாா்டு நகராட்சி மேல்நிலைப் பள்ளி மாணவா் கிரீஷ் இன்பா சிறப்பிடம் பெற்றாா்.

கட்டுரைப் போட்டி: காட்டுபாவா பள்ளி மாணவன் ஜமால்அா்ஷ் முதலிடம், மேலகரம் அரசு பள்ளி மாணவி தமிழரசி முத்து 2 ஆம் இடம், ஹமீதியா பள்ளி மாணவி மைதீன்பாத்திமா ஆப்ரின் 3 ஆம் இடம் பெற்றனா். ஓவியப் போட்டியில் காட்டுபாவா பள்ளி மாணவன் அல்பினாரோஷன் முதலிடம், வீரமாமுனிவா் ஆா்.சி. மேல்நிலைப்பள்ளி மாணவன் கவியரசன் 2 ஆம் இடம், மஞ்சம்மாள் அரசு பெண்கள் மேல்நிலைப் பள்ளி மாணவி ஆதித்தியா 3 ஆம் இடம் பெற்றனா்.

போட்டிகளில் பங்கேற்ற அனைவருக்கும் பரிசு, சான்று வழங்கப்பட்டது. ரோட்டரி சங்க நிா்வாகிகள் ஜோதிடா் மாடசாமி, கனகசபை, மாரிமுத்து, மும்பைமுருகேசன் ஆகியோா் தலா ரூ. 1000

செலுத்தி நூலகப் புரவலா்களாக இணைந்தனா். நிகழ்ச்சியில் பொருளாளா் மாரிமுத்து, செயலா் ஜெகமோகன், பட்டயத் தலைவா்கள் கனகசபை, உலகநாதன், ராமச்சந்திரன், சுகுமாறன், வாசகா் வட்ட பொருளாளா் சேகா், வட்டார கல்வி அலுவலா் மாரியப்பன், எஸ்.எஸ்.ஏ. திட்ட மேற்பாா்வையாளா் முத்துகிருஷ்;ணன், மருத்துவா் செல்வகணேசன், சாகுல் வாழ்த்தி பேசினா்.

நூலகா் சூ.பிரமநாயகம் வரவேற்றாா். நூலகா் சுந்தா் நன்றி கூறினாா்.