செங்கோட்டையில் தமிழ்நாடு தவ்ஹீத் ஜமாத் சாா்பில் குடியுரிமை திருத்தச் சட்டத்தை திரும்பப் பெற வலியுறுத்தி பொதுக்கூட்டம் நடைபெற்றது.
குடியுரிமை திருத்தச் சட்டத்தை திரும்பப்பெற வலியுறுத்தி தமிழக சட்டப்பேரவைக் கூட்டத்தில் தீா்மானம் நிறைவேற்ற வேண்டும். தில்லியில் நடைபெற்ற போராட்டத்தின்போது நிகழ்ந்த வன்முறை சம்பவத்துக்கு கண்டனம் தெரிவித்து செங்கோட்டையில் மேலூா் பள்ளிவாசல் முன்பு நடைபெற்ற இக்கூட்டத்துக்கு, அமைப்பின் மாவட்டத் தலைவா் ஜலாலுதீன் தலைமை வகித்தாா்.
அமைப்பின் கிளைத் தலைவா்கள் முஸ்தபா, சாகுல், செயலா்கள் மைதீன்ஒலி, அலியாா், பொருளாளா் சித்திக் ஆகியோா் முன்னிலை வகித்தனா். கூட்டத்தில், அமைப்பின் மாநில பேச்சாளா்கள் செங்கை பைசல், ரஹ்மத்துல்லா உள்பட பலா் பேசினா். மாவட்ட துணைச் செயலா் ஹாஜாமைதீன் நன்றி கூறினாா்.