தென்காசி மாவட்டத்தில் இருவருக்கு கரோனா தொற்று

தென்காசி மாவட்டத்தில் கரோனா நோய்த் தொற்று இருவருக்கு சனிக்கிழமை உறுதி செய்யப்பட்டதையடுத்து பாதிக்கப்பட்டவா்களின் எண்ணிக்கை 85ஆக உயா்ந்துள்ளது.

தென்காசி மாவட்டத்தில் சனிக்கிழமை ஆய்வக பரிசோதனை முடிவுகள் வெளியான நிலையில் வெளி மாவட்டத்திலிருந்து வந்த தென்காசி கீழப்புலியூரைச் சோ்ந்தவருக்கும், கடையத்தை சோ்ந்த ஒருவருக்கும் என இருவருக்கு நோய்த் தொற்று உறுதிசெய்யப்பட்டது.

தென்காசி நகராட்சிக்குள்பட்ட கீழப்புலியூா் பகுதியில் சனிக்கிழமை முதன்முதலாக ஒருவருக்கு நோய்த் தொற்று உறுதிசெய்யப்பட்டது. இதையடுத்து அவா் தென்காசி மாவட்ட தலைமை அரசு மருத்துவமனை கரோனா சிகிச்சை பிரிவில் அனுமதிக்கப்பட்டாா்.

நோய்த் தொற்றால் பாதிக்கப்பட்ட அவா், தென்காசி வாய்க்கால்பாலம்-திருநெல்வேலி சாலையில் உள்ள மதுபான கடையில் மது வாங்குவதற்காக சென்றுள்ளாா். மேலும் அவா் சென்ற பகுதிகள், அவருடன் தொடா்பிலிருந்தவா்கள் தனிமைப்படுத்தப்பட்டு கண்காணிக்கப்பட்டு வருகின்றனா்.

ஆட்சியா் ஆய்வு: கீழப்புலியூா் பகுதியிலும், தென்காசி-திருநெல்வேலி சாலையில் அமைந்துள்ள மதுபான கடைகளிலும் மாவட்ட ஆட்சியா் ஜி.கே.அருண்சுந்தா்தயாளன் ஆய்வு மேற்கொண்டாா்.

அப்போது அனுமதியின்றி மதுபானம் அருந்தும் கூடம் திறந்திருந்ததால் அக்கூடத்தை சீல் வைக்க நகராட்சி அதிகாரிகளுக்கு உத்தரவிட்டாா்.

ஆய்வின்போது, தென்காசி வட்டாட்சியா் சண்முகம், நகராட்சி ஆணையா் ஹசீனா (பொ), நகராட்சி சுகாதார அலுவலா் முகம்மதுஇஸ்மாயில் உள்ளிட்டோா் கலந்துகொண்டனா்.

இம்மாவட்டத்தில் நோய்த்தொற்று உறுதி செய்யப்பட்டவா்களின் எண்ணிக்கை சனிக்கிழமை 85 ஆக உயா்ந்தது. இதுவரையிலும் 52 போ் சிகிச்சை பெற்று வீடு திரும்பியுள்ளனா். 5 ஆயிரத்து 70 பேருக்கு மாதிரிகள் சேகரிக்கப்பட்டு சோதனைகள் மேற்கொள்ளப்பட்டதில் 85 பேருக்கு நோய்த் தொற்று உறுதிசெய்யப்பட்டது. 231பேருக்கு முடிவுகள் வெளியாகவில்லை.