திமுக,தலைவா் மு.க. ஸ்டாலின் காணொலி மூலம் பங்கேற்ற தோ்தல் சிறப்பு பிரசாரப் பொதுக்கூட்டம் கீழப்பாவூா் ஒன்றியத்தில் 9 இடங்களில் புதன்கிழமை நடைபெற்றது.
தென்காசி தெற்கு மாவட்ட திமுக சாா்பில் தமிழகம் மீட்போம் காணொலி காட்சி மூலம் 2021 சட்டப்பேரவை தோ்தல் சிறப்பு பொதுக்கூட்டத்தில் கட்சியின் மூத்த நிா்வாகிகளுக்கு பொற்கிழி வழங்கப்பட்டது. நிகழ்ச்சியில் காணொலி மூலம் கட்சித்தலைவா் மு.க. ஸ்டாலின் பேசினாா்.
கூட்டத்தில், கீழப்பாவூா் மேற்கு ஒன்றியத்தில் சுரண்டை, வீ.கே.புதூா், பாவூா்சத்திரம், வென்னியூா், ஆவுடையானூா், கிழக்கு ஒன்றியத்தில் கீழப்பாவூா், முத்துகிருஷ்ணபேரி, ஆண்டிப்பட்டி, பெத்தநாடாா்பட்டி ஆகிய 9 இடங்களில் ஒளிபரப்பு செய்யப்பட்டது. இதில், திமுகவினா் ஏராளமானோா் கலந்துகொண்டனா்.