வடகிழக்குப் பருவமழை முன்னெச்சரிக்கை நடவடிக்கையாக மழை, தீ, வெள்ளம் போன்ற பேரிடா் காலங்களில் பொதுமக்கள் தங்களை எவ்வாறு பாதுகாத்து கொள்ளவேண்டும் என்பது குறித்து ஒத்திகை பயிற்சி நடைபெற்றது.
தென்காசி மாவட்டம், குற்றாலத்திலிருந்து ஐந்தருவி செல்லும் சாலையில் உள்ள வெண்ணைமடை குளத்தில் திங்கள்கிழமை நடைபெற்ற இந்நிகழ்ச்சியில் குளத்தில் மூழ்கியவரை எவ்வாறு மீட்பது, படகு சவாரியின்போது தண்ணீரில் தவறி விழுபவரை எவ்வாறு மீட்பது,
வீடுகளில் கேஸ் கசிவு ஏற்பட்டால், தீ விபத்து ஏற்பட்டால் எவ்வாறு பாதுகாக்க வேண்டும் என்பது குறித்து ஒத்திகை செயல்விளக்கம் அளித்தனா்.திருநெல்வேலி மாவட்ட தீயணைப்பு மற்றும் மீட்புப் பணிகள் மாவ ட்ட அலுவலா் மகாலிங்கமூா்த்தி, உதவி அலுவலா் சுரேஷ்ஆனந்த், பாளையங்கோட்டை நிலைய அலுவலா் வீரராஜ், தென்காசி நிலைய அலுவலா் ரமேஷ், காவல் ஆய்வாளா்கள் சுரேஷ், ஆடிவேல் ஆகியோா் கலந்துகொண்டனா்.