தென்காசி மாவட்டம் குற்றாலம் பகுதியில் நீடித்து வரும் சாரல் மழையால் குற்றாலம் அருவிகளில் 3 ஆவது நாளாக வெள்ளப்பெருக்கு ஏற்பட்டுள்ளது.
குற்றாலம் மலைப் பகுதியில் கடந்த சில நாள்களாக பெய்து வரும் சாரல் மழையால் குற்றாலம் பேரருவி, ஐந்தருவி, பழைய குற்றாலம் உள்ளிட்ட அனைத்து அருவிகளிலும் கடந்த ஞாயிற்றுக்கிழமை இரவில் இருந்து வெள்ளப்பெருக்கு ஏற்பட்டது.
இப்பகுதியில் நீடித்து வரும் மிதமான மழையின் காரணமாக குற்றாலம் பேரருவி உள்ளிட்ட அனைத்து அருவிகளிலும் 3 ஆவது நாளாக புதன்கிழமையும் வெள்ளப்பெருக்கு குறையவில்லை. கரோனா தீநுண்மி பரவலை தடுக்கும் வகையில் குற்றாலம் அருவிகளில் சுற்றுலாப்பயணிகள் குளிக்க தடை அமல்படுத்தப்பட்டது. தடை நீக்கப்படாததால் அருவிகளை சுற்றுலாப் பயணிகள் பாா்த்து செல்கின்றனா்.