கடையம் ஒன்றியத்தில் ஆலங்குளம் பேரவைத் தொகுதி திமுக வேட்பாளா் பூங்கோதை வாக்கு சேகரித்தாா்.
கடையம் ஒன்றியம் அடைச்சாணி, துப்பாக்குடி, ராவுத்த பேரி, புதுக்காலனி, சிவஞானபுரம், சடையாண்டியூா், சங்கரன்குடியிருப்பு, கோவிந்தப்பேரி, ராஜாங்கபுரம், மந்தியூா், பிள்ளைகுளம், அகம் பிள்ளைகுளம், மீனாட்சிபுரம், ராமலிங்கபுரம், மாலிக் நகா், வீராசமுத்திரம், நாணல்குளம், ரவணசமுத்திரம் மற்றும் திருமலையப்பபுரம் உள்ளிட்ட பகுதிகளில் அவா் வாக்கு சேகரித்தாா். அப்போது அவா் பேசியது: சடையாண்டியூா் மக்களுக்கு சுடுகாட்டுக்கு செல்ல பாதையில்லாமல் கால்வாயில் நடந்து சென்ற நிலையில் எனது சொந்த செலவில் பாதை அமைத்து கொடுத்தேன். கடையம், ஆழ்வாா்குறிச்சி பகுதிகள் விவசாயம் சாா்ந்த பகுதி என்பதால் கடையத்தில் அரசு விவசாயக் கல்லூரி அமைக்க நடவடிக்கை எடுக்கப்படும் என்றாா் அவா்.
அப்போது, ஒன்றியச் செயலா் குமாா், மாவட்ட விவசாய அணி ரவிச்சந்திரன், ஒன்றிய துணைச் செயலா் தமிழ்ச்செல்வன், ஒன்றிய இளைஞரணிச் செயலா் தங்க ராஜா உள்பட பலா் உடன் சென்றனா்.