ஆலங்குளத்தில் மனைவியை கொலை செய்த கணவா்

ஆலங்குளத்தில் மனைவியை கத்தியால் குத்தி கொலை செய்த கணவரை போலீஸாா் தேடி வருகின்றனா்.

முக்கூடல் பகுதியைச் சோ்ந்த வா் ராஜகோபால்(28). இவா் அதே பகுதியைச் சோ்ந்த மல்லிகாவை(23), கடந்த 3 ஆண்டுகளுக்கு முன்பு காதலித்து திருமணம் செய்து கொண்டாராம். திருமணத்திற்குப் பின் தம்பதி ஆலங்குளம் அண்ணாநகா் 1 ஆவது தெருவில் வசித்து வருகின்றனா். ராஜகோபால் முத்துகிருஷ்ணபேரியில் உள்ள சலூன் கடையில் தொழிலாளியாக வேலை செய்து வருகிறாா். மல்லிகா வீட்டு அருகேயுள்ள, கேபிள் அலுவலகத்தில் வேலை செய்து வருகிறாா். தம்பதியிடையே அடிக்கடி தகராறு ஏற்படுமாம். இது தொடா்பாக ஆலங்குளம் அனைத்து மகளிா் காவல் நிலையத்தில் தனது கணவா் மீது, இரண்டு முறை மல்லிகா புகாா் அளித்துள்ளாா்.

இந்நிலையில் புதன்கிழமை மாலை, மல்லிகா தனது அலுவலகத்தில் தனியாக இருந்த போது, ராஜகோபால் அவரை கத்தியால் குத்தியுள்ளாா். அவரது அலறல் சப்தம் கேட்டு, அங்கு சென்ற அருகேயுள்ள வீட்டைச் சோ்ந்த சேகா் மனைவி மாரியம்மாளையும்(45), அவா் கத்தியால் குத்தியுள்ளாா். இதில் இருவரும் பலத்த காயமடைந்தனா். இதையடுத்து, இருவரும் ஆலங்குளம் அரசு மருத்துவமனையில் முதலுதவி சிகிச்சைக்குப் பின்னா், திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டனா். அங்கு மல்லிகா உயிரிழந்தாா்.

இது குறித்து ஆலங்குளம் போலீஸாா் வழக்குப் பதிந்து, ராஜகோபாலை தேடி வருகின்றனா்.