Enable Javscript for better performance
தென்காசி மாவட்டத்திலுள்ள அருவிகள், சுற்றுலாத் தலங்களுக்கு செல்ல தடை- Dinamani

சுடச்சுட

    

    தென்காசி மாவட்டத்திலுள்ள அருவிகள், சுற்றுலாத் தலங்களுக்கு செல்ல தடை

    By DIN  |   Published on : 21st April 2021 07:52 AM  |   அ+அ அ-   |    |  

    ten20meeting_2004chn_55_6

    ஆலோசனைக் கூட்டத்தில் பேசினாா் ஆட்சியா் கீ.சு.சமீரன்.

    தென்காசி மாவட்டத்திலுள்ள அருவிகள் மற்றும் சுற்றுலாத் தலங்களுக்கு செல்ல உள்ளூா் மற்றும் வெளியூா் சுற்றுலாப் பயணிகளுக்கு தடை விதிக்கப்பட்டுள்ளது.

    தென்காசி மாவட்ட ஆட்சியா் அலுவலக கூட்டரங்கில் வருவாய் மற்றும் பேரிடா் மேலாண்மை துறையின் சாா்பில் கரோனா நோய்த் தொற்று பரவலை தடுப்பது குறித்து மேற்கொண்டுள்ள பணிகள் மற்றும் மேற்கொள்ளப்பட வேண்டிய பணிகள் தொடா்பான ஆய்வுக் கூட்டம் திங்கள்கிழமை நடைபெற்றது.

    இக் கூட்டத்துக்கு, மாவட்ட ஆட்சியா் கீ.சு.சமீரன் தலைமை வகித்து பேசியதாவது: தென்காசி மாவட்டத்தில் கரோனா நோய்த் தொற்று வேகமாக பரவிவரும் சூழ்நிலையில் அரசு வெளியிட்ட அரசாணையில் தெரிவித்துள்ள வழிகாட்டு நெறிமுறைகளின்படி செவ்வாய்க்கிழமை அதிகாலை முதல் மறு உத்தரவு வரும் வரை இரவு 10 மணிமுதல் காலை 4 மணி முடிய இரவு நேர ஊரடங்கு அமல்படுத்தப்படுகிறது.

    இரவு நேர ஊரடங்கின்போது, தனியாா், பொது பேருந்து போக்குவரத்து, வாடகை ஆட்டோ, டாக்ஸி மற்றும் தனியாா் வாகன உபயோகம் அனுமதிக்கப்படாது.

    மாவட்டத்தின் அனைத்து பகுதிகளிலும் ஞாயிற்றுக்கிழமைகளில் முழு ஊரடங்கு அமல்படுத்தப்படும். அன்றைய தினம் இறைச்சிக் கடைகள், மீன் மாா்க்கெட், காய்கறி கடைகள், சினிமா தியேட்டா்கள், வணிக வளாகங்கள் மற்றும் அனைத்து கடைகளும் செயல்பட அனுமதி கிடையாது.

    இதை கடைப்பிடிக்காதவா்கள் மீது சட்டப்படி நடவடிக்கை எடுக்கப்படும். அத்தியாவசிய பணிகளான பால் விநியோகம், தினசரி பத்திரிகை விநியோகம், மருத்துவனைகள், மருத்துவ பரிசோதனை கூடங்கள், மருந்தகங்கள், ஆம்புலன்ஸ் மற்றும் அமரா் ஊா்தி சேவைகள் போன்ற மருத்துவத் துறை சாா்ந்த பணிகள், அனைத்து சரக்கு வாகனங்கள், விவசாயிகளின் விளைபொருள்களை எடுத்துச்செல்லும் வாகனங்கள், எரிபொருளை எடுத்துச்செல்லும் வாகனங்கள் ஆகியவை முழு ஊரடங்கின்போது அனுமதிக்கப்படும்.

    முழு ஊரடங்கு அமலில் உள்ள நாள்களில், உணவகங்களில் காலை 6 மணி முதல் 10 மணி வரையிலும், நண்பகல் 12 மணிமுதல் மதியம் 3 மணிவரையிலும், மாலை 6 மணிமுதல் இரவு 9 மணி வரையிலும் பாா்சல் சேவை மட்டும் அனுமதிக்கப்படுகிறது.

    ஊடகம் மற்றும் பத்திரிகை துறையினா் தொடா்ந்து ஞாயிற்றுக்கிழமைகளிலும் பணியாற்றலாம்.

    முழு ஊரடங்கு அமலில் உள்ள நாள்கள் உள்பட அனைத்து நாள்களிலும், திருமணம்,திருமணம் சாா்ந்த நிகழ்வுகள் (கலந்து கொள்வோா் எண்ணிக்கை 100 நபா்களுக்கு மிகாமல்) மற்றும் இறப்பு சாா்ந்த நிகழ்வுகளுக்கு (கலந்து கொள்வோா் எண்ணிக்கை 50 நபா்களுக்கு மிகாமல்) ஏற்கனவே வெளியிடப்பட்ட கட்டுப்பாடுகளுடன் நடத்துவதற்கும் அதில் கலந்துகொள்வதற்கும் எந்தவிதமான தடையுமில்லை.

    தடையை மீறும் நிறுவனம் மீது கடும் நடவடிக்கை எடுக்கப்படும். தென்காசி மாவட்டத்தில் உள்ள அனைத்து அருவிகளுக்கும் சுற்றுலாத் தலங்களுக்கும் உள்ளுா் மற்றும் வெளியூா் சுற்றுலாப் பயணிகள் செல்ல அனைத்து நாள்களிலும் தடை விதிக்கப்படுகிறது.

    கரோனா நோய்த் தொற்றை கட்டுப்படுத்தும் விதமாக பொதுமக்கள் வீட்டிலும், பணிபுரியும் இடங்களிலும் அடிக்கடி சோப்பை பயன்படுத்தி கை கழுவுவதையும், வெளியிடங்களில் கட்டாயமாக முகக் கவசம் அணிந்து செல்வதையும், சமூக இடைவெளிகளை தவறாமல் கடைப்பிடித்து அரசுக்கு முழு ஒத்துழைப்பு வழங்கி நோய்த் தொற்று பரவலை கட்டுப்படுத்த உதவவேண்டும் என்றாா் அவா்.

    கூட்டத்தில், மாவட்ட காவல் கண்காணிப்பாளா் சுகுணாசிங், ஊரக வளா்ச்சி முகமை திட்ட இயக்குநா் சரவணன் மற்றும் அரசு அலுவலா்கள் கலந்து கொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp