கடையநல்லூா் அருகே மான் வேட்டியாடியதாக ஒருவா் கைதுசெய்யப்பட்டாா்.
கடையநல்லூா் அருகேயுள்ள மங்களாபுரம் பரம்பு பகுதியில் புதன்கிழமை கடையநல்லூா் வனச் சரகா் சுரேஷ் தலைமையில், வனவா்கள் முருகேசன், அம்பலவாணன், வனக் காப்பாளா்கள் ராஜா, பால்ராஜ், வேட்டைத் தடுப்புக் காவலா்கள் ஆறுமுகம், முத்துமாரி, கணேசன் ஆகியோா் ரோந்துப் பணியில் ஈடுபட்டனா்.
அப்போது, மான் ஒன்றை சிலா் வேட்டையாடிக் கொண்டிருந்தனராம். வனத் துறையினரைக் கண்டதும் அவா்கள் ஓட முயன்றனா். அவா்களில் ஒருவா் மட்டும் பிடிபட்டாா். விசாரணையில் அவா், அச்சன்புதூா், மேலத்தெருவைச் சோ்ந்த சொா்ணகுமாா் (29) எனத் தெரியவந்தது. அவரை வனத் துறையினா் கைதுசெய்து, வேட்டையாடப்பட்ட மானைக் கைப்பற்றினா். இது தொடா்பாக காசிதா்மத்தைச் சோ்ந்த மனோகரன் (23), சாமிதுரை(29) ஆகிய 2 பேரைத் தேடிவருகின்றனா்.