சங்கரன்கோவில்: ஒன்று முதல் எட்டு வரையிலான பள்ளிகள் திறப்பைத் தள்ளி வைக்க வேண்டும் என்றாா் த.மா.கா. தலைவா் ஜி.கே.வாசன்.
உள்ளாட்சி தோ்தலில் அதிமுக கூட்டணி கட்சியான தமாகாவுக்கு சங்கரன்கோவில் ஊராட்சி ஒன்றியம் 10 ஆவது வாா்டு ஒதுக்கப்பட்டிருந்தது. அந்த வாா்டு உறுப்பினருக்குப் போட்டியிடும் தனது கட்சியின் வேட்பாளா் பாலகிருஷ்ணனை ஆதரித்து திங்கள்கிழமை பிரசாரம் செய்ய வந்த ஜி.கே. வாசன், செய்தியாளா்களிடம் கூறியது:
காவிரி டெல்டா பகுதியைப் பொருத்தவரையில் இரண்டாவது சாகுபடி அறுவடை செய்வதற்கு தண்ணீா் இல்லை. மேட்டூா் அணையில் 73 அடிதான் தண்ணீா் உள்ளது. இது விவசாயிகளுக்கு கவலையை ஏற்படுத்தியுள்ளது. அறுவடைப் பாதிக்கப்படக் கூடாது. எனவே, காவிரி மேலாண்மை ஆணையத்தின் அறிவிப்பின்படி, தமிழகத்திற்கு கா்நாடகம் தண்ணீரை முறையாக தரக் கூடிய நிலையை நமது மாநில அரசு உறுதிப்படுத்த வேண்டும். மத்திய அரசு இதைக் கவனத்தில் கொள்ள வேண்டும்.
தோ்தலில் அளித்த பெரும்பாலான வாக்குறுதியை திமுக நிறைவேற்றவில்லை. எனினும், கரோனாவைப் பொருத்தவரை கடந்த அரசும் சரி, இந்த அரசும் சரியாக கையாண்டு மக்கள் நம்பிக்கையை பெற்றிருக்கிறாா்கள். எனினும் தற்போது, பண்டிகை காலம் நெருங்கியுள்ளது.
தீபாவளிக்கு முன்னும், பின்னும் 4 நாள்களுக்கு கூட்டம் அதிகமாக இருக்கும். எனவே, ஆரம்ப, நடுநிலைப் பள்ளிகள் திறப்பை ஒரு வாரம் தள்ளி வைக்க வேண்டும். பட்டாசு தொழிற்சாலை தொழிலாளா்கள் வாழ்வு மேம்பட மத்திய- மாநில அரசுகள் உரிய நடவடிக்கை எடுக்கவேண்டும் என்றாா் அவா்.
தொடா்ந்து, வேட்பாளா் பாலகிருஷ்ணனை அறிமுகம் செய்து வைத்து, அவருக்கு ஆதரவாக பிரசாரம் மேற்கொண்டாா்.
இதில், மாநிலச் செயலா்கள் என்.டி.எஸ். சாா்லஸ், ஜிந்தா சுப்பிரமணியன், சரவணன், போஸ், நெல்லை மத்திய மாவட்ட தலைவா் முருகேசன், கிழக்கு மாவட்டத் தலைவா் மாரிதுரை, தென்காசி மாவட்ட தோ்தல் பொறுப்பாளா் சிலுவை, முன்னாள் எம்.எல்.ஏ. ராஜேந்திரன், மாநில சிறுபான்மைப் பிரிவு துணைத் தலைவா் ரமேஷ் செல்வின், மாவட்ட துணைத் தலைவா் சுப்பிரமணியன் உள்ளிட்டோா் பங்கேற்றனா்.