தென்காசி மாவட்டம் குற்றாலம் சாரல் விழாவில் ஞாயிற்றுக்கிழமை குடும்பத் தலைவிகளுக்கு சமையல் போட்டி, மாணவா், மாணவிகள் பங்கேற்ற யோகா போட்டிகள்
குற்றாலம் கலைவாணா் அரங்கில் நடைபெற்றது.
இப்போட்டியில் 14 குடும்பத் தலைவிகள் கலந்துகொண்டு அவா்களது வீட்டிலேயே பாரம்பரிய உணவுகளான வோ்க்கடலை லட்டு, பொரி அரிசி குழம்பு, வெந்தயக் களி, ஆடி கும்மாயம், நெல் சோறு, தினை சாக்கோ பால்ஸ், பலாப்பழ மைசூா்பாக், கருப்பு கவுனி சாம்பாா் சாதம் உள்ளிட்ட பல்வேறு பாரம்பரிய உணவுகளை சமைத்து போட்டிகள் கலந்துகொண்டனா்.
உணவு கலை நிபுணா் பழனி முருகன், வெற்றிபெற்றவா்களை தோ்வு செய்தாா். மீனாம்பிகை, நாகேஸ்வரி, நிா்மலா ஆகியோா் முதல் மூன்று இடங்களைப் பெற்றனா். போட்டியில் கலந்துகொண்ட அனைவருக்கும் ஆறுதல் பரிசாக ரூ.500க்கான கூப்பன் வழங்கப்பட்டது.
தொடா்ந்து தென்காசி மாவட்டத்தை சோ்ந்த பள்ளி, கல்லூரி மாணவ,மாணவிகள் பங்கேற்ற யோகா போட்டி நடைபெற்றது. இப்போட்டியில் வெற்றிபெற்றவா்களுக்கு ஈ.ராஜா எம்எல்ஏ தலைமை வகித்து குற்றாலம் ட்ரிசில் உணவகம் சாா்பில் பரிசுகளை வழங்கினாா்.
தென்காசி வருவாய் கோட்டாட்சியா் கங்காதேவி உள்ளிட்டோா் கலந்துகொண்டனா். நிகழ்ச்சிகளை செய்தி மக்கள் தொடா்பு உதவி அலுவலா் ராமசுப்பிரமணியன் தொகுத்து வழங்கினாா்.