ஸ்கேட்டிங் போட்டியில் வென்றபாவூா்சத்திரம் மாணவா்களுக்கு பரிசு
By DIN | Published On : 11th December 2022 11:00 PM | Last Updated : 11th December 2022 11:00 PM | அ+அ அ- |
சேரன்மகாதேவியில் நடைபெற்ற ரோலா் ஸ்கேட்டிங் போட்டியில் வெற்றிபெற்ற பாவூா்சத்திரம் மாணவா்கள் 33 பேருக்கு பரிசுகள் வழங்கப்பட்டன.
சேரன்மகாதேவி ஸ்காட் கல்லூரியில், தமிழன் ரோலா் ஸ்கேட்டிங் அசோசியேஷன் சாா்பில் பள்ளிகளுக்கு இடையே நடைபெற்ற இப்போட்டியில் 25-க்கும் மேற்பட்ட பள்ளிகளிலிருந்து 1,000-க்கும் மேற்பட்டோா் பங்கேற்றனா்.
இதில், பாவூா்சத்திரத்தைச் சோ்ந்த வெஸ்டா்ன் காட்ஸ் இந்தியன் அகாதெமி மாணவா்- மாணவியா் 42 பேரில் 14 போ் முதல் பரிசும், 11 போ் 2ஆம் பரிசும், 8 போ் 3ஆம் பரிசும் பெற்றனா். அவா்களை சேரன்மகாதேவி டிஎஸ்பி ராமகிருஷ்ணன் பாராட்டி பரிசுகள் வழங்கினாா்.
