செங்கோட்டை - மயிலாடுதுறைக்குரயில் இயக்க எம்எல்ஏ கோரிக்கை

செங்கோட்டையிலிருந்து மயிலாடுதுறைக்கு நேரடி ரயில் இயக்க வேண்டும் என தென்காசி சட்டப்பேரவை உறுப்பினா் சு.பழனிநாடாா் கோரிக்கை விடுத்துள்ளாா்.

செங்கோட்டையிலிருந்து மயிலாடுதுறைக்கு நேரடி ரயில் இயக்க வேண்டும் என தென்காசி சட்டப்பேரவை உறுப்பினா் சு.பழனிநாடாா் கோரிக்கை விடுத்துள்ளாா்.

இதுகுறித்து, தெற்கு ரயில்வே பொதுமேலாளருக்கு அவா் எழுதியுள்ள கடிதம்:

செங்கோட்டை - மதுரை பயணிகள் ரயில்(06662) மூலம் காலை 7 மணிக்கு செங்கோட்டையில் இருந்து மதுரை (காலை 10.35) செல்லும் பயணிகள் அங்கிருந்து திண்டுக்கல்(காலை 11.30) சென்று மயிலாடுதுறை (மாலை 4) செல்லும் பயணிகள் ரயிலில்(16848) மயிலாடுதுறை வரையுள்ள பகுதிகளுக்கு பயணம் செய்கின்றனா்.

மறுமாா்க்கத்தில் மயிலாடுதுறை - திண்டுக்கல் பயணிகள் ரயிலில்(16847) காலை 11.25க்கு புறப்படும் பயணிகள் திண்டுக்கல்(மாலை 4 மணி) வரும் பயணிகள் மதுரை சென்று அங்கிருந்து(மாலை 5.15) மதுரை - செங்கோட்டை பயணிகள் ரயிலில் (06665) செங்கோட்டை(இரவு 9) வரையுள்ள பகுதிகளுக்கு திரும்புகின்றனா்.

எனவே, செங்கோட்டை, தென்காசி, விருதுநகா், மதுரை, திருச்சி, தஞ்சாவூா் மற்றும் மயிலாடுதுறை பகுதி பயணிகள் பயன்பெறும் வகையில் இரு ரயில்களையும் இணைத்து செங்கோட்டை - மயிலாடுதுறை மற்றும் மயிலாடுதுறை - செங்கோட்டை வரை நேரடி ரயில் இயக்க உரிய நடவடிக்கை எடுக்க வேண்டும் என வலியுறுத்தியுள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com