Enable Javscript for better performance
நீர்ப்பிடிப்புப் பகுதியில் மிதமான மழை: அடவிநயினார், கருப்பாநதி அணைகள் நீர்மட்டம் உயர்வு- Dinamani



    நீர்ப்பிடிப்புப் பகுதியில் மிதமான மழை: அடவிநயினார், கருப்பாநதி அணைகள் நீர்மட்டம் உயர்வு

    By dn  |   Published on : 25th December 2013 03:29 AM  |   அ+அ அ-   |    |  

    திருநெல்வேலி மாவட்டத்தில் அணைகளின் நீர்ப்பிடிப்புப் பகுதியில் பெய்த மிதமான மழை காரணமாக அடவிநயினார், கருப்பாநதி அணைகளின் நீர்மட்டம் உயர்ந்துள்ளது.

    ஞாயிற்றுக்கிழமை காலை நிலவரப்படி இம்மாவட்டத்தில் பெய்த மழை அளவு (மி.மீட்டரில்) பாபநாசம் அணை 21, பாபநாசம் கீழ்அணை 10, சேர்வலாறு அணை  10, மணிமுத்தாறு அணை 3.4, ராமநதி அணை 2, அடவிநயினார் அணை 19, கருப்பாநதி அணை 23, வடக்குப் பச்சையாறு அணை 28.6, குண்டாறு அணை 16, கொடுமுடியாறு அணை 15, பாளையங்கோட்டை 3, செங்கோட்டை 37, தென்காசி 26, அம்பாசமுத்திரம் 3, சேரன்மகாதேவி 1.2.

    பாபநாசம் அணையின் நீர்மட்டம் 96 அடியாகவும், சேர்வலாறு அணையின் நீர்மட்டம் 108.43 அடியாகவும், மணிமுத்தாறு அணையின் நீர்மட்டம் 69.50 அடியாகவும், கடனாநதி அணையின் நீர்மட்டம் 64.50 அடியாகவும், ராமநதி அணையின் நீர்மட்டம் 64.00 அடியாகவும் இருந்தது.

    பாபநாசம் அணைக்கு நொடிக்கு 673 கனஅடியும், மணிமுத்தாறு அணைக்கு 202 கனஅடியும், கடனாநதி அணைக்கு 88.57 கனஅடியும், ராமநதி அணைக்கு 30 கனஅடியும் நீர்வரத்து இருந்தது. பாபநாசம் அணையிலிருந்து 600 கனஅடியும், மணிமுத்தாறு அணையிலிருந்து 35 கனஅடியும், கடனாநதி அணையிலிருந்து 45 கனஅடியும், ராமநதி அணையிலிருந்து 30 கனஅடியும் தண்ணீர் திறக்கப்பட்டுள்ளது.

    நீர்மட்டம் உயர்வு: கருப்பாநதி அணைக்கு நொடிக்கு 104 கனஅடியும், அடவிநயினார் அணைக்கு 107 கனஅடியும் நீர்வரத்து இருந்தது. கருப்பாநதி அணையின் நீர்மட்டம் 2 அடி உயர்ந்து 57.75 அடியாகவும், அடவிநயினார் அணையின் நீர்மட்டம் 2.25 அடி உயர்ந்து 116.50 அடியாகவும், கொடுமுடியாறு அணையின் நீர்மட்டம் 27 அடியாகவும், குண்டாறு அணையின் நீர்மட்டம் 36.10 அடியாகவும் இருந்தது.

    அம்பை பகுதியில் மழை: மாவட்டத்தில் கடந்த 2 தினங்களாக ஒரு சில இடங்களில் பலத்த  மழை பெய்துவருகிறது.

    ஞாயிற்றுக்கிழமை அம்பாசமுத்திரம், கல்லிடைக்குறிச்சி, வீரவநல்லூர், ஆழ்வார்குறிச்சி, கடையம், ரவணசமுத்திரம் பகுதியில் பலத்த மழை பெய்தது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp