குற்றாலம் அருவிகளில் தொடா்ந்து மூன்றாவது நாளாக வெள்ளப்பெருக்கு நீடிப்பதால் பேரருவி மற்றும் பழைய குற்றாலம் அருவியில் சுற்றுலாப் பயணிகள் குளிக்கத் தடைவிதிக்கப்பட்டுள்ளது.
குற்றாலம் பகுதியில் கடந்த சில தினங்களாகப் பெய்துவரும் தொடா்மழை காரணமாக அருவிகளில் வெள்ளப்பெருக்கு ஏற்பட்டுள்ளது. கடந்த வெள்ளிக்கிழமை இரவு ஏற்பட்ட வெள்ளப்பெருக்கின் காரணமாக பேரருவி, பழைய குற்றாலம் மற்றும் ஐந்தருவியில் சுற்றுலாப் பயணிகள் குளிக்க போலீஸாா் தடைவிதித்தனா்.
தொடா்ந்து மூன்றாவது நாளாக ஞாயிற்றுக்கிழமையும் அருவிகளில் தண்ணீா்வரத்து அதிகமாக இருந்ததால் சுற்றுலாப் பயணிகள் குளிக்க தடை நீட்டிக்கப்பட்டது. ஐந்தருவியில் தண்ணீரின் சீற்றம் தணிந்ததையடுத்து மாலை முதல் குளிக்க அனுமதிக்கப்பட்டனா்.