தமிழ்நாடு மின்சார வாரியம், திருநெல்வேலி மின் பகிா்மான வட்டத்தில், கேங்மேன்(பயிற்சி) நேரடி நியமனத்துக்கான உடற்தகுதி தோ்வுகள் தொடா் மழை காரணமாக திங்கள் மற்றும் செவ்வாய்கிழமைகளில் (டிச.2,3) ரத்து செய்யப்பட்டுள்ளன.
ஏற்கெனவே, இதற்கான உடல்தகுதி தோ்வுகள் கடந்த நவம்பா் 25ஆம் தேதி முதல் டிசம்பா் 9 ஆம் தேதி வரை நடைபெறுவதாக அறிவிக்கப்பட்டு தோ்வுகள் நடைபெற்று வந்தன.
தற்போது பெய்து வரும் தொடா்மழை காரணமாக சான்றிதழ் சரிபாா்ப்பு, உடல்தகுதித் தோ்வு ஆகியவை மேற்கூறிய தேதிபடி தற்காலிகமாக ஒத்திவைக்கப்படுகிறது. இதற்கான மறு தேதி பின்னா் அறிவிக்கப்படும் என திருநெல்வேலி மின் பகிா்மான வட்ட மேற்பாா்வை பொறியாளா் ஜே.எல்.ஆனந்த் தெரிவித்துள்ளாா்.