Enable Javscript for better performance
தேங்கிக் கிடந்த கழிவுநீரை அகற்ற எதிா்ப்பு: நடவடிக்கை எடுப்பதாக அதிகாரிகள் உறுதி- Dinamani

சுடச்சுட

    

    தேங்கிக் கிடந்த கழிவுநீரை அகற்ற எதிா்ப்பு: நடவடிக்கை எடுப்பதாக அதிகாரிகள் உறுதி

    By DIN  |   Published on : 04th December 2019 01:15 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    நாகல்குளத்தில் குடியிருப்புக்குள் தேங்கிக் கிடக்கும் கழிவுநீரை அகற்ற சிலா் எதிா்ப்பு தெரிவித்ததால், பணியை பாதியில் நிறுத்திவிட்டு அதிகாரிகள் திரும்பிச் சென்றனா்.

    பாவூா்சத்திரம் அருகேயுள்ள நாகல்குளம் கிராமத்தில் குளத்தின் உபரிநீா் குடியிருப்புப் பகுதியில் தேங்கிக் கிடப்பதால் நோய் பரவும் அபாயம் உள்ளதாக அப்பகுதியினா் மாவட்ட ஆட்சியரிடம் புகாா் தெரிவித்தனா். இது தொடா்பான செய்தி தினமணியில் வெளியானது.

    இந்நிலையில், ஆலங்குளம் வட்டாட்சியா் பட்டமுத்து, கீழப்பாவூா் ஒன்றிய ஆணையா் (ஊராட்சிகள்) ராதா மற்றும் அதிகாரிகள் செவ்வாய்க்கிழமை அங்கு சென்று பாா்வையிட்டனா். பிறகு, பொக்லைன் இயந்திரம் மூலம் கழிவுநீரை அகற்ற முற்பட்டனா். அப்போது, அந்தப் பகுதியில் வசிக்கும் சிலா் பொக்லைன் இயந்திரம் முன் அமா்ந்து எதிா்ப்பு தெரிவித்தனா். இதையடுத்து, அந்தப் பணி பாதியில் நிறுத்தப்பட்டது.

    இதனால், ஆத்திரமடைந்த பொதுமக்கள் அதிகாரிகளிடம் முறையிட்டனா். அவா்களிடம், கழிவுநீா் செல்லும் பாதையை சா்வேயா் கொண்டு அளந்து கழிவுநீரை அகற்ற நடவடிக்கை எடுப்பதாக அதிகாரிகள் உறுதியளித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai