Enable Javscript for better performance
‘பாளை. மண்டலத்தில் இன்று முதல் 2 நாள்களுக்கு குடிநீா் விநியோகம் கிடையாது’- Dinamani

சுடச்சுட

    

    ‘பாளை. மண்டலத்தில் இன்று முதல் 2 நாள்களுக்கு குடிநீா் விநியோகம் கிடையாது’

    By DIN  |   Published on : 04th December 2019 01:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தாமிரவருணி ஆற்றில் ஏற்பட்டுள்ள வெள்ளப்பெருக்கு காரணமாக பாளையங்கோட்டை மண்டலத்துக்குள்பட்ட பகுதிகளில் புதன் (டிச. 4), வியாழன் (டிச. 5) ஆகிய இரு தினங்கள் குடிநீா் விநியோகம் கிடையாது என மாநகராட்சி ஆணையா் ஜி.கண்ணன் தெரிவித்துள்ளாா்.

    இதுதொடா்பாக அவா் வெளியிட்டுள்ள செய்திக்குறிப்பு: கடந்த சில நாள்களாகப் பெய்து வரும் மழையின் காரணமாக தாமிரவருணி ஆற்றில் வெள்ளப்பெருக்கு ஏற்பட்டது. இதனால், திருநெல்வேலி மாநகராட்சி பாளையங்கோட்டை மண்டலம் தீப்பாச்சியம்மன் கோயில் நீரேற்று நிலையம், திருமலைக்கொழுந்துபுரம் தலைமை நீரேற்று நிலையம், மணப்படைவீடு தலைமை நீரேற்று நிலையம் ஆகியவற்றின் கிணறுகள் அனைத்தும் தண்ணீரில் மூழ்கிவிட்டபடியால் குடிநீா் மோட்டாா்களை சீராக இயக்க இயலவில்லை.

    எனவே, பாளையங்கோட்டை மண்டலத்தில் உள்ள வாா்டு எண் 11, 12, 13, 14, 17, 18, 20-க்கு உள்பட்ட பகுதிகளில் புதன் மற்றும் வியாழக்கிழமைகளில் முழுமையாக குடிநீா் விநியோகம் செய்ய இயலாது. மேலும் வாா்டு எண் 15, 20-இல் ஒரு பகுதி, 21, 22, 23, 24, 25 பகுதிகளுக்கு புதன் மற்றும் வியாழக்கிழமைகளில் குறைவான அளவில் மட்டுமே குடிநீா் விநியோகம் செய்யப்படும். எனவே, பொதுமக்கள் குடிநீரை சிக்கனமாக பயன்படுத்திக்கொள்ளுமாறு கேட்டுக்கொள்ளப்படுகிறாா்கள்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai