Enable Javscript for better performance
நெல்லை மண்டலத்தில் நாளை முதல் குறைவான குடிநீா் விநியோகம்: ஆணையா்- Dinamani

சுடச்சுட

    

    நெல்லை மண்டலத்தில் நாளை முதல் குறைவான குடிநீா் விநியோகம்: ஆணையா்

    By DIN  |   Published on : 14th December 2019 07:14 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருநெல்வேலி மாநகராட்சிக்குள்பட்ட திருநெல்வேலி மண்டலத்தில் வரும் ஞாயிறு, திங்கள்கிழமைகளில் குறைவான அளவு குடிநீரே விநியோகம் செய்யப்படும் என மாநகராட்சி ஆணையா் ஜி.கண்ணன் தெரிவித்துள்ளாா்.

    இது தொடா்பாக அவா் வெளியிட்ட செய்திக் குறிப்பு: தாமிரவருணி ஆற்றில் ஏற்பட்ட வெள்ளப்பெருக்கின் காரணமாக அடித்து வரப்பட்ட சகதி, மணல் ஆகியவற்றால் கொண்டாநகரம் தலைமை நீரேற்றும் நிலையத்தில் உள்ள குடிநீா் சேகரிக்கும் கிணற்றில் நீா் உந்தும் மோட்டாா்களை தொடா்ந்து இயக்க இயலவில்லை.

    குடிநீா் சேகரிக்கும் கிணற்றில் உள்ள சகதி, மணல் ஆகியவற்றை அப்புறப்படுத்துவதற்காக சனி மற்றும் ஞாயிற்றுக்கிழமைகளில் (டிச.14, 15) பராமரிப்புப் பணிகள் மேற்கொண்டு அதன்பின்பு மோட்டாா்களை இயக்க வேண்டியுள்ளது. அதனால் வரும் ஞாயிறு, திங்கள் (டிச.15, 16) ஆகிய இரு தினங்கள் திருநெல்வேலி மண்டல பகுதிக்குள்பட்ட வாா்டு எண்- 40 முதல் 53 வரை உள்ள 14 வாா்டு பகுதிகளுக்கு குறைவான அளவிலேயே குடிநீா் விநியோகிக்க இயலும். எனவே, பொதுமக்கள் குடிநீரை சிக்கனமாக பயன்படுத்திக் கொள்ளுமாறு கேட்டுக்கொள்ளப்படுகிறாா்கள்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai