Enable Javscript for better performance
ஒண்டிவீரன் வரலாற்று ஆவணங்களை கல்வெட்டுகளாகப் பதிவு செய்ய வலியுறுத்தல்- Dinamani

உடனுக்கு உடன் செய்திகள்

    ஒண்டிவீரன் வரலாற்று ஆவணங்களை கல்வெட்டுகளாகப் பதிவு செய்ய வலியுறுத்தல்

    By DIN  |   Published On : 18th February 2019 06:13 AM  |   Last Updated : 18th February 2019 06:13 AM  |  அ+அ அ-  |  

    விடுதலைப் போராட்ட வீரர் ஒண்டிவீரன் வரலாற்று ஆவணங்களை கல்வெட்டுகளாகப் பதிவு செய்ய வேண்டும் என்றார் ஆதித்தமிழர் பேரவையின் நிறுவனர்- தலைவர் இரா.அதியமான்.
    திருநெல்வேலியில் செய்தியாளர்களிடம் அவர் ஞாயிற்றுக்கிழமை கூறியது: மக்களவைத் தேர்தலில் திமுக கூட்டணிக்கு ஆதித்தமிழர் பேரவை முழுஆதரவு அளித்துள்ளது. அந்தக் கூட்டணிக் கட்சி வேட்பாளர்களை ஆதரித்து தமிழகம் முழுவதும் பிரசாரம் செய்வோம்.
    சேலம் மாவட்டம், சங்ககிரியில் நடைபெற்ற அருந்ததியர் அரசியல் எழுச்சி மாநாட்டின்போது அருந்ததியர் உள்இடஒதுக்கீட்டை 6 சதவீதமாக உயர்த்தி வழங்க திமுக ஆட்சிக்கு வந்தால் நடவடிக்கை எடுக்கப்படும் என திமுக தலைவர் மு.க.ஸ்டாலின் உறுதியளித்துள்ளார். விடுதலைப் போராட்ட வீரரான தளபதி பொள்ளானுக்கு மணிமண்டபம் அமைத்துக் கொடுக்க வேண்டும்.
    பாளையங்கோட்டையில் உள்ள ஒண்டிவீரன் மணிமண்டபம் புனரமைக்கப்படும் என தமிழக முதல்வர் எடப்பாடி பழனிசாமி அறிவித்திருப்பது ஏமாற்று வேலையாகும். அருந்ததியர் மக்களின் வாக்குவங்கியை திசைதிருப்ப இந்த அறிவிப்பு வெளியிடப்பட்டுள்ளது.
    ஒண்டிவீரன் மணிமண்டபத்தின் வெளியே உள்ள வளாகத்தில் பீடம் அமைத்து குதிரையுடன் கூடிய ஒண்டிவீரன் சிலையை நிறுவ வேண்டும். அவரது வரலாற்று ஆவணங்களை கல்வெட்டுகளாகப் பதிவு செய்ய வேண்டும். மணிமண்டபத்திற்கு ஒதுக்கப்பட்டுள்ள நிலத்தை முழுமையாகப் பயன்படுத்தி பசுமை பூங்கா அமைக்க வேண்டும் என்றார் அவர்.
    பேட்டியின்போது நிர்வாகிகள் ரவிக்குமார், முத்துக்கிருஷ்ணன், அருந்ததி அரசு, திருநெல்வேலி கிழக்கு மாவட்டச் செயலர் கலை.கண்ணன் உள்ளிட்டோர் உடனிருந்தனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp