நெல்லை, தூத்துக்குடி மாவட்ட ரயில்களின் நேர மாற்றம் அமல்

திருநெல்வேலி, தூத்துக்குடி மாவட்டங்கள் வழியாக இயக்கப்படும் விரைவு மற்றும் பயணிகள் ரயில்களின் நேரங்கள் மாற்றப்பட்டு திங்கள்கிழமை முதல் அமலுக்கு வந்துள்ளன.
இதுதொடர்பாக தெற்கு ரயில்வேயின் மதுரை கோட்டம் சார்பில் வெளியிடப்பட்டுள்ள செய்திக்குறிப்பு: மதுரை கோட்டத்துக்கு உள்பட்ட விரைவு மற்றும் பயணிகள் ரயில்களின் நேரங்கள் மாற்றப்பட்டு திங்கள்கிழமை முதல் அமலுக்கு வந்துள்ளன. அதன்படி, வண்டி எண் 22621 ராமேசுவரம்- கன்னியாகுமரி (வாரம் மும்முறை) விரைவு ரயில் ராமேசுவரத்திலிருந்து இரவு 8.50 மணிக்கு பதிலாக இரவு 8.55 மணிக்கு புறப்படும்.
வண்டி எண் 12631 சென்னை எழும்பூர் - திருநெல்வேலி நெல்லை எக்ஸ்பிரஸ் திருநெல்வேலிக்கு காலை 7.05 மணிக்கு பதிலாக காலை 6.45 மணிக்கு வந்து சேரும். வண்டி எண் 16791 திருநெல்வேலி - பாலக்காடு பாலருவி விரைவு ரயில் திருநெல்வேலியிலிருந்து இரவு 10.30 மணிக்கு பதிலாக இரவு 10.45 மணிக்கு புறப்படும். மறுமார்க்கத்தில் வண்டி எண் 16792  பாலக்காடு - திருநெல்வேலி பாலருவி விரைவு ரயில் திருநெல்வேலிக்கு காலை 6.30 மணிக்கு பதிலாக காலை 6.15 மணிக்கு வந்து சேரும்.
வண்டி எண் 16790 ஸ்ரீவைஷ்ணவ தேவி கட்ரா - திருநெல்வேலி (வாராந்திர) விரைவு ரயில் திருநெல்வேலிக்கு அதிகாலை 12.55 மணிக்கு பதிலாக அதிகாலை 12.45 மணிக்கு வந்து சேரும். வண்டி எண் 16788 ஸ்ரீவைஷ்ணவ தேவி கட்ரா - திருநெல்வேலி  ஹிம்சாக லிங்க் விரைவு ரயில் திருநெல்வேலிக்கு மாலை 6.30 மணிக்கு பதிலாக மாலை 6 மணிக்கு வந்து சேரும்.
வண்டி எண் 16129 சென்னை எழும்பூர் - தூத்துக்குடி இணைப்பு விரைவு ரயில் வாஞ்சி மணியாச்சியிலிருந்து இரவு 7.30 மணிக்கு பதிலாக இரவு 7.25 மணிக்கு புறப்படும். மறுமார்க்கத்தில் வண்டி எண் 16130  தூத்துக்குடி - சென்னை எழும்பூர் இணைப்பு விரைவு ரயில் வாஞ்சி மணியாச்சிக்கு காலை 8.30 மணிக்கு பதிலாக காலை 8.25 மணிக்கு வந்து சேரும்.
வண்டி எண் 16102 கொல்லம்- சென்னை எழும்பூர் எக்ஸ்பிரஸ் ரயில் கொல்லத்திலிருந்து முற்பகல் 11.45 மணிக்கு பதிலாக முற்பகல் 11.55 மணிக்கு புறப்படும். வண்டி எண் 16182 செங்கோட்டை - சென்னை எழும்பூர் சிலம்பு விரைவு ரயில் செங்கோட்டையிலிருந்து மாலை 4.15 மணிக்கு பதிலாக மாலை 4.25 மணிக்கு புறப்படும்.
வண்டி எண் 12662 செங்கோட்டை - சென்னை எழும்பூர் பொதிகை விரைவு ரயில் செங்கோட்டையிலிருந்து மாலை 6.15 மணிக்கு பதிலாக மாலை 6.10 மணிக்கு புறப்படும்.
பயணிகள் ரயில்கள்: வண்டி எண் 56701 புனலூர்- மதுரை பயணிகள் ரயில் மதுரை ரயில் நிலையத்துக்கு காலை 6.45 மணிக்கு பதிலாக காலை 6.35 மணிக்கு வந்து சேரும். வண்டி எண் 56732 செங்கோட்டை - மதுரை பயணிகள் ரயில் செங்கோட்டை  ரயில் நிலையத்திலிருந்து காலை 6.30 மணிக்கு பதிலாக காலை 6.35 மணிக்கு புறப்பட்டு, மதுரை ரயில் நிலையத்துக்கு காலை 10.40 மணிக்கு பதிலாக காலை 10.35 மணிக்கு வந்து சேரும்.
வண்டி எண் 56736 செங்கோட்டை - மதுரை பயணிகள் ரயில் செங்கோட்டை  ரயில் நிலையத்திலிருந்து மாலை3.55 மணிக்கு பதிலாக மாலை 3.50 மணிக்கு புறப்பட்டு மதுரை ரயில் நிலையத்துக்கு மாலை 7.35 மணிக்கு பதிலாக மாலை 7.30 மணிக்கு சென்றடையும். வண்டிஎண் 56796 செங்கோட்டை- திருநெல்வேலி பயணிகள் ரயில் செங்கோட்டை ரயில் நிலையத்திலிருந்து காலை 06.45 மணிக்கு பதிலாக காலை 6.50 மணிக்கு புறப்பட்டு திருநெல்வேலிக்கு காலை 9 மணிக்கு பதிலாக காலை 8.55 மணிக்கு வந்தடையும். வண்டி எண் 56802 செங்கோட்டை - திருநெல்வேலி பயணிகள் ரயில் செங்கோட்டையிலிருந்து மாலை5.55 மணிக்கு பதிலாக மாலை 5.50 மணிக்கு புறப்படும்.
வண்டி எண் 56797 திருநெல்வேலி - செங்கோட்டை பயணிகள் ரயில் திருநெல்வேலியில் இருந்து காலை 9.25 மணிக்கு பதிலாக காலை 9.20 மணிக்கு புறப்பட்டு செங்கோட்டைக்கு காலை11.50 மணிக்கு பதிலாக காலை 11.30 மணிக்கு சென்று சேரும். வண்டி எண் 56801 திருநெல்வேலி - செங்கோட்டை பயணிகள் ரயில் திருநெல்வேலியில் இருந்து காலை 7.15 மணிக்கு புறப்படுவதற்கு பதிலாக காலை 7 மணிக்கு புறப்பட்டு செங்கோட்டைக்கு காலை 9.25 மணிக்கு பதிலாக காலை 9.15 மணிக்கு சென்றடையும். வண்டி எண் 56803 திருநெல்வேலி - செங்கோட்டை பயணிகள் ரயில் செங்கோட்டைக்கு மாலை 4.45 மணிக்கு பதிலாக மாலை 4.20 மணிக்கு சென்றடையும்.
வண்டி எண் 56735 மதுரை - செங்கோட்டை பயணிகள் ரயில் செங்கோட்டைக்கு இரவு 9.35 மணிக்கு பதிலாக இரவு 9.30 மணிக்கு சென்றடையும். வண்டி எண் 56763 திருநெல்வேலி - திருச்செந்தூர் பயணிகள் ரயில் திருநெல்வேலியில் இருந்து காலை 9.30 மணிக்கு பதிலாக காலை 10 மணிக்கு புறப்பட்டு திருச்செந்தூருக்கு முற்பகல் 11 மணிக்கு பதிலாக முற்பகல் 11.35 மணிக்கு சென்றடையும்.
வண்டி எண் 56035 திருச்செந்தூர் - திருநெல்வேலி பயணிகள் ரயில் திருச்செந்தூரிலிருந்து காலை 9.15 மணிக்கு பதிலாக காலை 10 மணிக்கு புறப்பட்டு திருநெல்வேலிக்கு முற்பகல் 11 மணிக்கு பதிலாக நண்பகல் 12.10 மணிக்கு வந்தடையும்.
வண்டி எண் 56770 திருச்செந்தூர் - பாலக்காடு பயணிகள் ரயில் திருச்செந்தூரிலிருந்து முற்பகல் 11.15 மணிக்கு பதிலாக முற்பகல் 11.40 மணிக்கு புறப்படும். 
வண்டி எண் 56737 செங்கோட்டை - கொல்லம் பயணிகள் ரயில் செங்கோட்டையிலிருந்து நண்பகல் 12.30 மணிக்கு பதிலாக முற்பகல் 11.40 மணிக்கு புறப்பட்டு கொல்லத்துக்கு மாலை 5.20 மணிக்கு பதிலாக மாலை 3.55 மணிக்கு சென்றடையும்.
வண்டி எண் 56741 தூத்துக்குடி - திருநெல்வேலி பயணிகள் ரயில் திருநெல்வேலிக்கு இரவு 8.35 மணிக்கு பதிலாக இரவு 8.30 மணிக்கு வந்து சேரும் என செய்திக்குறிப்பில் குறிப்பிடப்பட்டுள்ளது.