Enable Javscript for better performance
அரசு இசைப் பள்ளியில் மாணவர் சேர்க்கை: விண்ணப்பங்கள் வரவேற்பு- Dinamani

உடனுக்கு உடன் செய்திகள்

    அரசு இசைப் பள்ளியில் மாணவர் சேர்க்கை: விண்ணப்பங்கள் வரவேற்பு

    By DIN  |   Published On : 28th May 2019 08:28 AM  |   Last Updated : 28th May 2019 08:28 AM  |  அ+அ அ-  |  

    திருநெல்வேலியில் உள்ள அரசு இசைப் பள்ளியில் சேர்க்கை நடைபெற்று வருவதால், மாணவர்களிடம் இருந்து விண்ணப்பங்கள் வரவேற்கப்படுகின்றன.
    இது தொடர்பாக மாவட்ட ஆட்சியர் ஷில்பா பிரபாகர் சதீஷ் வெளிட்டுள்ள செய்திக்குறிப்பு:  திருநெல்வேலி மாவட்ட அரசு இசைப் பள்ளி 1997 ஆம் ஆண்டு தமிழக அரசின் கலை பண்பாட்டுத் துறை மூலம் தொடங்கப்பட்டு செயல்பட்டு வருகிறது. இந்தப் பள்ளியில் குரலிசை, நாகசுரம், தவில், தேவாரம், பரதநாட்டியம், வயலின் மிருதங்கம் ஆகிய கலைகள் பயிற்றுவிக்கப்படுகின்றன.
    இசைப் பள்ளியில் பயில்வதற்கு 12 வயது முதல் 25 வயதுக்குள் இருக்க வேண்டும். மூன்றாண்டுகள் பயில வேண்டும். முதல் ஆண்டுக்கு ரூ. 152,  இரண்டாம் ஆண்டு , மூன்றாம் ஆண்டு மாணவர்களுக்கு ரூ.120 கல்விக் கட்டணமாக வசூலிக்கப்படுகிறது.
    இந்த ஆண்டுக்கான மாணவர் சேர்க்கை தற்போது நடைபெற்று வருகிறது. இசைப் பள்ளியில் பயிலும் மாணவ,–மாணவியருக்கு தமிழக அரசு அறிவித்துள்ள இலவச பேருந்து வசதி, ரயில் கட்டண சலுகை வசதி, தங்கும் விடுதி வசதி,  மாதந்தோறும் கல்வி ஊக்கத்தொகை ரூ.400, இலவச சீருடை, இலவச மிதிவண்டி,  இலவச காலணி ஆகியவை அரசு விதிமுறைகளுக்கு உள்பட்டு வழங்கப்பட்டு வருகிறது.
    இசைப் பள்ளியில் மூன்றாண்டு பயிற்சி முடிக்கும் மாணவ, மாணவியருக்கு தமிழக அரசு தேர்வு இயக்ககத்தால் தேர்வு நடத்தப்பட்டு, அதில் தேர்ச்சி பெற்ற மாணவர்களுக்கு சான்றிதழ் வழங்கப்பட்டு வருகிறது. சான்றிதழ்களை மாவட்ட வேலைவாய்ப்பு அலுவலகத்தில் பதிவு செய்து, பதிவு மூப்பு அடிப்படையில் இசைப் பள்ளி மற்றும் இந்து அறநிலையத் துறைக்கு உள்பட்ட கோயில்களில் வேலைவாய்ப்பு அளிக்கப்படுகிறது.
    அரசு இசைப் பள்ளியில் சேர்ந்து இசையைக் கற்று இசை ஆசிரியர்களாகவும் கலை வல்லுநர்களாகவும் உருவாகுவதற்கு வாய்ப்புகள் உள்ளன. இது தொடர்பான மேலும் விவரங்களுக்கு அரசு இசைப் பள்ளி, 870/21 அரசு அலுவலர் "ஆ' குடியிருப்பு,  கலை பண்பாட்டு வளாகம், திருநெல்வேலி -7 என்ற முகவரியிலோ அல்லது 0462 2551400, 9443810926 ஆகிய எண்களிலோ தொடர்பு கொள்ளலாம்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp