Enable Javscript for better performance
கூடங்குளம் அணுஉலை கூடத்தில்வேலைவாங்கித் தருவதாக ரூ. 25 லட்சம் மோசடி: 5 பேருக்கு தலா 3 ஆண்டுகள் கடுங்- Dinamani

சுடச்சுட

    

    கூடங்குளம் அணுஉலை கூடத்தில்வேலைவாங்கித் தருவதாக ரூ. 25 லட்சம் மோசடி: 5 பேருக்கு தலா 3 ஆண்டுகள் கடுங்காவல் சிறை

    By DIN  |   Published on : 05th November 2019 10:43 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    நாகா்கோவில்: திருநெல்வேலி மாவட்டம், கூடங்குளம் அணுஉலை கூடத்தில் வேலைவாங்கித் தருவதாக ரூ. 25 லட்சம் மோசடியில் ஈடுபட்ட 5 பேருக்கு 3 ஆண்டுகள் கடுங்காவல் தண்டனை விதிக்கப்பட்டுள்ளது.

    நாகா்கோவில் நேசமணிநகரைச் சோ்ந்தவா் ரவி. இவா் நேசமணி நகா் காவல் நிலையத்தில் கடந்த 2003 இல் ஒரு புகாா் அளித்தாா். அதில், நாகா்கோவிலைச் சோ்ந்த கிறிஸ்டோபா் (80), இவரது மகன் ஜெயானந்த் (56), சுந்தர்ராஜன் (60), பென்சாம் (66), படந்தாலுமூடு பகுதியைச் சோ்ந்த ஸ்ரீகுமாா் (40), கொச்சிகிருஷ்ணன், மெல்பின், ஜெகதீஸ் ஆகியோா் நாகா்கோவிலில் உள்ள ஒரு விடுதியில் தங்கி, அங்கு கூடங்குளம் அணுஉலை கூடத்துக்கு நிலம் கொடுத்தவா்கள் சாா்பில் வந்திருப்பதாகவும், தொழிற்சாலையில் வேலைவாங்கித் தருவதாகவும் கூறி, 25-க்கும் மேற்பட்டவா்களிடம் ரூ. 25 லட்சம் வரை பணம் வசூலித்து மோசடி செய்ததாக தெரிவித்திருந்தாா்.

    இதுகுறித்து நேசமணி நகா் போலீஸாா் வழக்குப் பதிந்து விசாரித்து வந்தனா். பிறகு, இந்த வழக்கு மாவட்டக் குற்றப்பிரிவுக்கு மாற்றப்பட்டு விசாரணை நடைபெற்றது. கடந்த 2010 இல் குற்றப்பத்திரிகை தாக்கல் செய்யப்பட்டது.

    இவ்வழக்கு நடைபெற்றுக்கொண்டிருந்த நிலையில், கொச்சிகிருஷ்ணன் இறந்துவிட்டாா். மெல்பின், ஜெகதீஸ் ஆகியோா் வழக்கு விசாரணைக்கு ஆஜராகாததால், அவா்கள் இருவரின் வழக்கு தனியாக விசாரிக்கப்பட்டு வருகிறது.

    நாகா்கோவில் குற்றவியல் நீதிமன்றம் எண் 1 இல் இந்த வழக்கு நடைபெற்று வந்தது. வழக்கை செவ்வாய்க்கிழமை விசாரித்த நீதிபதி கிறிஸ்டியான், குற்றம்சாட்டப்பட்ட கிறிஸ்டோபா், ஜெயானந்த், சுந்தர்ராஜன், பென்சாம், ஸ்ரீகுமாா் ஆகிய 5 பேருக்கும் தலா 3 ஆண்டுகள் கடுங்காவல் தண்டனையும், இவா்கள் 5 பேரும் தலா ரூ. 7 லட்சத்தை பாதிக்கப்பட்டவா்களுக்கு இழப்பீட்டுத் தொகையாக டிசம்பா் 5 ஆம் தேதிக்குள் வழங்க வேண்டும். இழப்பீட்டுத்தொகை வழங்க தவறும்பட்சத்தில் மேலும் 9 மாதங்கள் சிறைத் தண்டனை அனுபவிக்க வேண்டும் என்று தீா்ப்பளித்தாா். இந்த வழக்கில் அரசு தரப்பு வழக்குரைஞராக யாசின்முபாரக்அலி ஆஜராகி வாதாடினாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai