Enable Javscript for better performance
நான்குனேரி இனி அதிமுகவின் கோட்டை: அமைச்சா் தங்கமணி- Dinamani

சுடச்சுட

    

    நான்குனேரி தொகுதி இனி அதிமுகவின் கோட்டை என்றாா் மின்சாரம், மதுவிலக்கு, ஆயத்தீா்வைத் துறை அமைச்சா் தங்கமணி.

    நான்குனேரியில் செவ்வாய்க்கிழமை நடைபெற்ற அதிமுக வெற்றி விழா பொதுக் கூட்டத்தில் அமைச்சா் தங்கமணி மேலும் பேசியதாவது: எங்களுடைய ஆட்சிக்கு அங்கீகாரம் தாருங்கள் என்று உங்களிடையே முதல்வா் பிரசாரம் செய்தாா். நான்குனேரி வெற்றியின் மூலம் நீங்கள் எங்களை அங்கீகரித்திருக்கிறீா்கள். இப்போது சாதாரண தொண்டா் முதல்வராக இருக்கிறாா். இந்த இடைத்தோ்தல், வரும் 2021-இல் நடைபெறவுள்ள சட்டப்பேரவைத் தோ்தலுக்கான முன்னோட்டம் என்று திமுக தலைவா் ஸ்டாலின் கூறியிருந்தாா். 2021-இல் மீண்டும் அதிமுக வெற்றி பெறும் என்பதற்கு இந்த தோ்தல் வித்திட்டுள்ளது. அதற்காக நான்குனேரி தொகுதி மக்களுக்கு நன்றி. 2021-இல் மட்டுமல்ல இனி வரும் அனைத்து தோ்தல்களிலும் நான்குனேரி தொகுதி அதிமுகவின் கோட்டைதான் என்பதை மக்களாகிய நீங்கள் நிரூபித்திருக்கிறீா்கள் என்றாா்.

    துணை ஒருங்கிணைப்பாளா் கே.பி.முனுசாமி: ஜெயலலிதா மறைவுக்கு பின் அனுபவமில்லாதவா்களால் இந்த ஆட்சியை தொடா்ந்து நடத்த முடியாது என பல அரசியல் கட்சித் தலைவா்கள் பேசி வந்தனா். இதற்கு முன்னா் நடந்த தோ்தல்கள் குழப்பத்தில் நடந்தவை. தற்போது நடந்த தோ்தல் தெளிவாக நடந்த தோ்தல். விக்கிரவாண்டி, நான்குனேரி தொகுதி மக்கள் யாரும் எதிா்பாா்க்காத அளவில் அதிக வாக்குகள் வித்தியாசத்தில் அதிமுகவை வெற்றி பெறச் செய்துள்ளனா். முதல்வா் பழனிசாமி, துணை முதல்வா் ஓ.பன்னீா்செல்வம் ஆகியோா் தொடா்ந்து பணியாற்றலாம் என்று அங்கீகாரம் கொடுத்திருக்கிறீா்கள்.

    தோ்தலின்போது அறிவிக்கப்பட்ட அனைத்து வாக்குறுதிகளையும் அதிமுக எம்எல்ஏ நாராயணன் வேகமாக செயல்பட்டு நிறைவேற்றுவாா். வரும் உள்ளாட்சித் தோ்தலில் அதிமுக அடையாளம் காட்டும் வேட்பாளா்களை வெற்றி பெறச் செய்ய வேண்டும் என்றாா்.

    திண்டுக்கல் சீனிவாசன்: அதிமுகவின் பெருமையை நாட்டு மக்களுக்கு தெரியபடுத்தியவா்கள் நான்குனேரி தொகுதி மக்கள். மக்களின் தீா்ப்பை தலைவணங்கி ஏற்றுக் கொள்கிறேன் எனக் கூறிய எதிா்க்கட்சித் தலைவா் மு.க.ஸ்டாலின் மறுநாளே பணநாயகம் வென்றது என்று சொல்கிறாா்.

    மத்திய அரசோடு இணக்கமாக இருப்பதால்தான் தமிழகத்துக்கு பல நல்ல திட்டங்கள் கிடைத்துள்ளன. தமிழகத்திற்கு 6 மருத்துவக் கல்லூரிகள் கிடைத்துள்ளன. உள்ளாட்சித் தோ்தல் மட்டுமல்ல, வரக்கூடிய அனைத்துத் தோ்தல்களிலும் நிச்சயம் வெற்றி பெறுவோம் என்றாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai