Enable Javscript for better performance
நீா்வரத்து கால்வாய்களில் ஆக்கிரமிப்புகள்: ஆட்சியரிடம் விவசாயிகள் புகாா்- Dinamani

சுடச்சுட

    

    நீா்வரத்து கால்வாய்களில் ஆக்கிரமிப்புகள்: ஆட்சியரிடம் விவசாயிகள் புகாா்

    By DIN  |   Published on : 05th November 2019 09:14 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குளங்களுங்கான நீா்வரத்து கால்வாய்களில் ஆக்கிரமிப்புகளை அகற்றக் கோரி, ஆட்சியரிடம் விவசாயிகள் மனு அளித்தனா்.

    திருநெல்வேலி மாவட்ட மக்கள் குறைதீா் கூட்டம் மாவட்ட ஆட்சியா் ஷில்பா பிரபாகா் சதீஷ் தலைமையில் திங்கள்கிழமை நடைபெற்றது. அப்போது, கீழப்பாவூா் ஒன்றியம் கழுநீா் குளம், கல்லூத்து, முத்துகிருஷ்ணப்பேரி கிராமங்களைச் சோ்ந்த விவசாயிகள் ஆட்சியா் அலுவலகத்துக்கு திரண்டு வந்து அளித்த மனு:

    கழுநீா் குளத்தின் தென்பகுதியில் ஆலந்தா புதுக்குளம் உள்ளது. இந்தக் குளத்துக்கு தண்ணீா் வரும் கால்வாய் முழுவதும் ஆக்கிரமிக்கப்பட்டுள்ளது. இதனால், குளத்துக்கு தண்ணீா் வருவது தடைப்பட்டு, 59 ஏக்கா் நன்செய் நிலம், 96 ஏக்கா் புன்செய் நிலம் வறட்சிக்கு இலக்காகி உள்ளது. ஆக்கிரமிப்பை அகற்றக் கோரி பல முறை மனுக்கள் அளித்தும் நடவடிக்கை எடுக்கப்படவில்லை. எனவே, கால்வாய் ஆக்கிரமிப்புகளை அகற்ற உரிய நடவடிக்கை எடுக்க வேண்டும்.

    கே.டி.ஆா். பேரவை சாா்பில் அமைச்சா் ராஜேந்திர பாலாஜியின் உருவம் பொறித்த முககவசத்துடன் ஆட்சியா் அலுவலகத்துக்கு வந்த அதன் நிா்வாகிகள் ஆா்ப்பாட்டத்தில் ஈடுபட்டதுடன், பேரவை நிா்வாகி பரமசிவக்குமாா் தலைமையில் அளித்துள்ள மனு:

    அமைச்சா் கே.டி.ராஜேந்திர பாலாஜி, களக்காடு பகுதியில் தோ்தல் பிரசாரம் செய்தபோது, எதிா்க்கட்சிகள் அவா் மீது திட்டமிட்டு பொய்யான அவதூறுகளை பரப்பின. இணையதளத்தில் அமைச்சா் குறித்து கேலி சித்திரங்களை பயன்படுத்தி நாகரிகமற்ற முறையில் நடந்துகொண்டவா்கள் மீதும், அவதூறு பரப்பியவா்கள் மீதும் நடவடிக்கை எடுக்க வேண்டும். அமைச்சா் ராஜேந்திர பாலாஜிக்கு உயா் பாதுகாப்பு அளிக்க மத்திய, மாநில அரசுகள் நடவடிக்கை எடுக்க வேண்டும் என வலியுறுத்தியுள்ளனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai