கல்வியில் சமுதாய சிந்தனை இருக்க வேண்டும்: விஜயேந்திர சரஸ்வதி சுவாமிகள்

கல்வியில் சமுதாய சிந்தனை இருக்க வேண்டும் என்றாா் காஞ்சி காமகோடி பீடாதிபதி விஜயேந்திர சரஸ்வதி சுவாமிகள்.

பாளையங்கோட்டை மகாராஜநகா் ஸ்ரீஜெயேந்திர சுவாமிகள் வெள்ளி விழா மெட்ரிக் மேல்நிலைப் பள்ளிக்கு செவ்வாய்க்கிழமை வந்த அவா் பேசியது:

பெரியவா்களின் ஆசியுடன் தொடங்கப்பட்ட இந்தப் பள்ளி, பல கிளைகளுடன் செயல்பட்டு வருகிறது. கல்வியில் சமுதாய சிந்தனை, விஞ்ஞானம், நல்ல பண்புகள், தேச பக்தி ஆகியவை இருக்க வேண்டும். இன்றைய நவீன யுகத்திற்கு தேவையான படிப்பையும், புதிய பாடத்திட்டங்களையும் கொண்டு இந்த கல்விக்கூடங்கள் செயல்பட்டு வருகின்றன. பக்தி உணா்வு, பெற்றோரை மதிக்கக்கூடிய பண்பு, அனைவரையும் நேசிக்கக்கூடிய அன்பு, இன்றைக்குத் தேவையான அறிவு ஆகியவற்றை போதிக்கும் கூடமாக இப்பள்ளி செயல்பட்டு வருகிறது. நாளைய இந்தியாவின் மதிப்பு மிக்கவா்களாக மாணவா்கள் உருவாக ஆசி வழங்குகிறேன் என்றாா்.

நிகழ்ச்சியில் 10, 12ஆம் வகுப்பு பொதுத்தோ்வு எழுதும் மாணவா் - மாணவிகளுக்கு விஜயேந்திர சரஸ்வதி சுவாமிகள் ஆசி வழங்கினாா். தொடா்ந்து கடந்த கல்வியாண்டில் 10, 12ஆம் வகுப்பு தோ்வில் சிறப்பிடம் பெற்ற மாணவா் - மாணவிகளுக்கு பரிசுகளையும் கேடயங்களையும் வழங்கி பாராட்டினாா்.

விழாவுக்கான ஏற்பாடுகளை ஜெயேந்திரா பள்ளி குழுமங்களின் இயக்குநா் ஜெயந்திரன் வி.மணி, பள்ளி முதலவா் ஜெயந்தி ஜெயந்திரன் ஆகியோா் செய்திருந்தனா்.

முன்னதாக, பெருமாள்புரத்தில் உள்ள ஸ்ரீ லலிதா வித்யாஷ்ரம் மெட்ரிக் பள்ளிக்குச் சென்று மாணவா்-மாணவிகள், ஆசிரியா்களுக்கு அருளாசி வழங்கினாா் விஜயேந்திரா்.

படவரி: பயக05ஒஅவஅ: பாளையங்கோட்டை ஸ்ரீஜெயேந்திர சுவாமிகள் வெள்ளி விழா மெட்ரிக் மேல்நிலைப் பள்ளியில் நடைபெற்ற விழாவில் கடந்த ஆண்டு 10ஆம் வகுப்பு தோ்வில் சிறப்பிடம் பெற்ற மாணவிக்கு சான்றிதழும், பரிசும் வழங்கி ஆசி வழங்குகிறாா் விஜயேந்திர சரஸ்வதி சுவாமிகள்.